Экономика

Қазақстандық "Тальго" пойыздары кеңейе түсті

© Photo : АО "НК "КТЖ""Тұлпар-Тальго" жаңа пойыздарына сертификат табыстау
Тұлпар-Тальго жаңа пойыздарына сертификат табыстау - Sputnik Қазақстан
Жазылу
"Тальго" пойыздары вагондар кузовының ені үлкейгеннен кейін ыңғайлы болды. Ол өтетін жолдарды кеңейтіп, санитарлық тораптардың көлемі ұлғайтуға мүмкіндік берді.

АСТАНА, 29 қар – Sputnik. Аса жайлы вагондардан жасақталған жылжымалы құрам биылғы желтоқсаннан Астана мен Алматы бағдарына, келесі жыл басынан Алматы-Шымкент бағдарына шыға бастайды, деп хабарлайды "Қазақстан темір жолы" АҚ баспасөз қызметі. 

Құйрықты жолаушылар: ит метро вагонында тоғыз күшік тапты - Sputnik Қазақстан
Құйрықты жолаушылар: метро вагонында ит тоғыз күшік тапты

"Тұлпар-Тальго" зауытында қазақстандық өндірістен шыққан кең шанақты жолаушылар вагондарына Кеден одағының "Темір жол жылжымалы құрамының қауіпсіздігі туралы" Техникалық талабы регламентіне сәйкес сертификат салтанатты түрде табыс етілді. 

"Тұлпар-Тальго" вагондары Қазақстан, Ресей, Германия, Австрия, Испания, Чехия, Италия, Ұлыбритания, Францияның арнайы орталықтарында сынақтардың толық кезеңдерінен өткізілді.

"Аса жайлы вагондар жолаушылар тасымалы жүйесінде жылжымалы құрам паркін жаңғыртудың ұзақ мерзімді бағдарламасы аясында шығарылып жатыр",- деп атап өтті "Қазақстан темір жолы" ҰК" АҚ вице-президенті Еркін Жусанбаев.

Жаңа үлгідегі вагондар "Тұлпар-Тальго" зауытының конструкторлық бюросы мамандары мен испандық әріптестерінің Қазақстандағы вагондарды өндірістен шығару тәжірибесі мен пайдалану нәтижесінде бірлескен жобасы болып табылады.

Вагондардың ені, санитарлық-гигиеналық бөлмесі жүрдек пойыз жолаушыларының кіріп-шығуына барынша қолайлы етіліп, кеңейтілді.

Жылжымалы құрамда вагонның екі түрі бар. "Турист" вагондарында креслолары және жүк қоятын орны бар. "Гранд-класс" вагондарында электрлі көтергіші, мүмкіндігі шектеулі жандарға арналған жеке себездеткішімен қоса дәретханасы қамтылған.

көшкін - Sputnik Қазақстан
Оқиға
ШҚО-да пойыз қар көшкінімен соқтығысуға шақ қалды

Мәселен, Лейпцигте вагондарды пайдалану кезінде болатын түрлі жүктерді тиеу сынағы өткізілді. Мадридте вагон қорабы арбашасының қаншалықты жүктерді, қанша жыл көтеруге шыдас бере алатындығы сыналды. Венада арнайы камерада: ылғалды ауада, жоғары қысымды және төменгі температурада, желдің жылдамдығына қатысты ауа райына шыдамдылығы жан-жақты сарапталды.

Ақмола, Оңтүстік Қазақстан, Жамбыл, Қарағанды облыстарында сағатына 200 километр жылдамдықпен, қиын жол телімдерінде, кей жерлерінде 300-ден 2000 метрге дейін қиыс кететін тұстарда сыналды. 

Жылжымалы құрамды жаңғырту аясында 2021 жылға дейін "Тұлпар-Тальго" жайлы вагондарынан жасақталған пойыздарды қосымша жеті бағдарға — Алматы-Павлодар, Ақтөбе-Манғышлақ, Астана-Лениногор, Ақтөбе-Атырау, Алматы-Қостанай, Астана-Сарыағаш және Алматы-Манғышлақ бағытына жіберу жоспарланған.


Жаңалықтар
0