АСТАНА, 29 қар — Sputnik. Бірінші инстанция сотының физика пәнінің мұғалімі Юрий Пакқа қатысты үкімі өзгеріссіз қалдырылды, деп хабарлады агенттіктің тілшісі сот залынан.
Қарағанды облыстық сотында жалған терроризм үшін айыпталып, сот үкімімен екі жылға бас бостандығынан айырылған физика пәнінің мұғалімі Юрий Пактің ісі бойынша апелляциялық шағым қаралуда.
Апелляциялық коллегия отырысы судья Рашид Нұрмағамбетовтың төрағалығымен сағат 09-да басталған еді. Сот залына сотталған азаматтың көптеген достары, туыстары мен әріптестері және тілшілер жиналды. Сот залына тергеу изоляторынан сотталушы Юрий Пак жеткізілді.Апелляциялық тыңдау ашық тәртіпте туыстары мен журналистердің қатысуымен өтті.
"Қылмыстық істер жөніндегі сот алқасы бірінші инстанцияның үкімін өзгеріссіз қалдыру қажет деп санайды", — деп оқыды шешімді сот коллегиясының төрағасы Рашид Нұрмағамбетов.
