АСТАНА, 28 қар — Sputnik. "Нимоджи Казахстан" қосымшасы iOS және Android платформаларындағы мессенджерлердің бәрінде ұлттық қазақ стилінде эмоджи алмасуға мүмкіндік береді деп хабарлайды компания.
19 қыркүйек күні Айбала есімді бозбала бейнеленген қазақ ұлттық эмоджи стикерлері iPhone пайдаланушылары үшін жаңартылған iMessage iOS қосымшасында ұсынылған болатын. Сол кезде Nimoji Software Limited компаниясы iOS және Android платформаларына арналған тегін қосымша пайда болады деп уәде берген еді, оның көмегімен қолданушылар бүкіл мессенджерлерде қазақстандық эмоджилермен алмаса алады.
Бүгіннен бастап, "Нимоджи Казахстан" қосымшасын App Store немесе Google Play арқылы жүктеп алып, WhatsApp, Facebook Messenger, Viber, iMessage, Telegram және тағы басқаларында бір-бірлеріңізге қазақстандық эмоджилер жолдай аласыздар.
