АСТАНА, 24 қар — Sputnik. Орталық коммуникациялар баспасөз мәслихатында "Қазақстан аруы-2016" конкурсына қатысушылар ұсынылды.
20-шы конкурс республика тәуелсіздігінің 25 жылдығына арналады. Бұл жылы конкурстың міндетті кезеңдерінің біріне Қазақстанның ұлы әйелдерінің бірі туралы әңгімелеу кіреді.
Сұлулық байқауын тележүргізуші Динара Сәтжан мен "Астана Опера" театрының солисті Сүндет Байғожин жүргізеді.
"Биыл конкурста Әлия Молдағұлова, Күләш Байсейітова, Мәншүк Мәметова туралы баяндалады. Бұл қатысушылар үшін үлкен мәртебе", — деді Динара Сәтжан баспасөз конференциясы барысында.
"Бәрі әділ өтуі үшін СМС дауыс беру қауіпсіздігі бойынша шаралар қолданылды. Ұлттық әділ қазы бес финалистті таңдап алып, артынша СМС арқылы жеңімпаз анықталады. Бұл жылы сыйақы қоры 5 миллион теңге", — деді конкурс ұйымдастырушысы Алена Ривлина-Кырбасова.
Конкурс 10 желтоқсан күні Бейбітшілік және келісім сарайында өтеді.
