АСТАНА, 16 қар — Sputnik. WhatsApp мессенджері жақын күндері бейне қоңыраулар қызметін іске қосады, деп жазады РИА Новости.
"Бүгін біз адамдарды жақындастыру әрекетіміздегі келесі қадам – WhatsApp-тағы бейне қоңыраулар туралы жариялағанымызға қуаныштымыз. Жақын күндері бір миллиардтан астам WhatsApp пайдаланушылары бейне қоңыраулар шала алады", — делінген мессенджердің корпоративті блогының хабарламасында.
Бейне қоңыраулар толық шифрланады, деп жазады Reuters агенттігі. WhatsApp негізін қалаушылардың бірі Ян Кум агенттікке берген сұхбатында қызметтің 180 елде пайда болатынын хабарлаған.
"Біз дауысты және бейне байланыстың бағасы төмен телефондарда да жақсы жұмыс істеуіне бар ынтамызды салып отырмыз", — деп келтіреді агенттік Кумның сөзін.
WhatsApp – әлемдегі ең ірі әрі танымал мобильді мессенджер саналады. Оның көмегімен мобильді телефон қолданушылары бір-бірімен хабарлама, сурет, бейнероликтер және дыбыс файлдарымен жылдам алмаса алады.
