АСТАНА, 15 қар – Sputnik. Маусымның басталуына көп уақыт бұрын ауыл шаруашылығы министрлігінде көктемгі аңшылыққа тыйым салу қажеттігі туралы айта бастады. Сондай-ақ күзгі маусымда бір қолға атылған қыр құстарының санын шектеу қарастырылуда, деп хабарлайды Sputnik Қазақстан тілшісі.
"Көктемгі аңшылыққа тыйым салу ұсынылып отыр. Бұдан бөлек күзгі маусымда бір қолға атылған қыр құстарының санына шектеу қою ұсынылуда", — деді ҚР АШМ Орман шаруашылығы және жануарлар әлемі комитеті төрағасы орынбасарының міндетін атқарушы Нариман Жүнісов баспасөз конференциясы барысында.
Оның сөзіне қарағанда, жануарлар әлемінің, оның ішінде қыр құстарының саны бірқатар факторларға байланысты. Олардың бірі табиғи көбею, оның сапасына не табиғи-климаттық жағдайлар, не антропогендік ықпал әсер етуі мүмкін.
Олай болмаған жағдайда, баспасөз мәслихатында атап көрсеткендей, егер табиғи көбеюіне қажетті жағдай жасалмайтын болса, жануарлар әлемінің саны күрт төмендейтін болады.
