АСТАНА, 14 қар — Sputnik. "Барыс" хоккей клубының бас бапкері Эдуард Занковец жексенбі күні Екатеринбургтен келген "Автомобилист" командасын жеңгеннен кейін ойыншылар саны тең болмағанда хоккейшілерінің мықты ойнайтынын тағы бір рет атап өтті.
"Меніңше, бізге ең тиімдісі – ойыншылар санының тең болмауы. Екінші периодта басымдықпен ойнаған кезіміз көп болды, соның арқасында гол соғып, жақсы нәтиже көрсеттік деп ойлаймын. Оның үстіне, ойыншы саны аз болса да, алаңдағы ойыншылар жақсы ойнады, әсіресе қақпашымыз үшінші периодта үздік ойын өрнегін көрсетті", — деді Занковец.
"Барыс" жексенбі күні "Автомобилистті" 4:0 есебімен ұтты. Екінші шайбаны екінші жиырмаминуттықта Брэндон Боченски соғып, бұл оның ҚХЛ мансабындағы 151-ші голы болды – бұл лиганың снайпер-легионерлерінің арасындағы ең үздік көрсеткіш.
"Барыс" осы жеңісінен кейін ҚХЛ Шығыс конференциясының плей-офф кезеңіне өтті.
