АСТАНА, 7 қар — Sputnik, Мария Шелудякова. Ақша табу үшін өз елдерінен кеткен Орталық Азия азаматтары көбіне "Ислам мемлекеті" террористік топтары тартушыларының құрбанына айналады, деп мәлім етті ТМД-ға қатысушы мемлекеттері Терроризмге қарсы орталығының жетекшісі Андрей Новиков.
Айта кететіні, ең алдымен экстремистер Ресейге және посткеңестік кеңістіктің өзге елдеріне ақша табу үшін келгендерді тартуға тырысады. ТМД елдерінің қауіпсіздік органдары мен арнайы қызметтері осындай тартулардың жолын кесу үшін бірлескен жұмыстар жүргізуде.
"Мәселен, Қырғызстанда Оштың бер тұрғынын өлтіріп, бірнеше қарақшылық шабуыл жасамақ болған ИМ мүшелері еңбек миграциясы кезінде әлеуметтік желілер арқылы тартылған", — деді Новиков.
Қазір экстремистік ұйымдардың "штаттық" психологтарына қысқа мерзімдерде әлеуетті лаңкестер дайындауға мүмкіндік беретін психологиялық қысым жасау мен манипуляциялардың жаңа әдістері пайдаланылуда.
