АСТАНА, 28 қаз — Sputnik."Эйр Астана" әуе компаниясы 2017 жылы 26 наурызға дейін жүретін қысқы кестеге көшеді деп хабарлады компания баспасөз қызметі.
Компания биыл 30 қазаннан бастап қысқы кестеге көшеді. 16 желтоқсан мен 21 қаңтар аралығында, сонымен қатар 2017 жылы 17-25 наурыз аралығында аптасына екі рет Алматы-Хошимин-Алматы рейстері енгізіледі. Осы кезеңде Алматы-Бангкок-Алматы қонбай ұшып өту рейстері аптасына бес рет жіберіледі.
Астана-Бангкок-Астана маусымдық рейсі тұрақты бола бастады, 30 қазаннан бастап Таиланд астанасына аптасына төрт рет баруға болады.
Сонымен қатар, Алматыдан Бішкекке барып-қайтатын рейстер көбейтілді, жалып саны аптасына 6-7 рет. Алматыдан Киевке барып қайтатын рейстер – 5-7 рет, Астана-Лондон-Астана – 3-4 рет, Астана-Санкт-Петербург-Астана аптасына 3-5 рет.
