АСТАНА, 27 қаз — Sputnik. Қазақстанның батыс, солтүстік және шығыс аймақтарында бейсенбі күні құбылмалы ауа райы сақталады, кей жерлерде жауын-шашын болады, ал қалған аймақтарда жауын-шашын болмайды деп хабарлады "Қазгидромет".
Синоптиктердің мәліметінше, кей жерлерде тұман, көктайғақ болып, желдің ұйытқуы шығыста 15-20 м/с-қа жетіп боран соғады.
Шығыс Қазақстан облысында кей жерлерде боран, көктайғақ болады, желдің ұйытқуы 15-20 м/с. Атырау облысында – тұман, көктайғақ, күндіз желдің ұйытқуы 15-20 м/с.
Маңғыстау облысында кей жерлерде көктайғақ болады, түнде желдің ұйытқуы 15-20 м/с. Қызылорда облысында, күндіз Батыс Қазақстан облысында желдің ұйытқуы 15-20 м/с болады деп күтілуде. Алматы, Қостанай, Павлодар облыстарында, түнде және таңертең Қарағанды облысында кей жерлерде тұман түседі. Солтүстік Қазақстан облысында кей жерлерде тұман, көктайғақ болады. Ақмола облысында кей жерлерде көктайғақ болады.
