АСТАНА, 25 қаз – Sputnik. Қардың қалың жаууына байланысты Астананың коммуналдық қызметтері қарқынды жұмыс істеуде деп хабарлады елордалық әкімшілік баспасөз қызметі.
"Астана-Тазалық" ЖШС мәліметінше, қала көшелерін тазартуға 173 техника пайдаланылып, 290 адам жұмылдырылды, ал жолдарға тұз бен құм қоспасы төгілуде.
Синоптиктердің болжауынша, ертең 26 қазан күні Астанада көшпелі бұлт болып, күндіз аздап қар жауады. Солтүстік-батыс пен батыстан жел тұрады, жылдамдығы 9-14 м/с. Түнде ауа температурасы – 8-10 °С, ал күндіз – 3-5°С.
27 қазан күні көшпелі бұлт болады деп күтілуде, арасында қар жауып, төменнен соққан боран болады. Батыстан соққан жел ұйытқуы 9-14 м/с. Түнде ауа температурасы – 6-8 °С, ал күндіз – 1-3°С.
