АСТАНА, 25 қаз – Sputnik. "Теміртау-Қарағанды" жолында болған көлік апатында 26 жастағы ер адам қаза тапты, қалғандарына медициналық көмек көрсетіліп, тергеу ісі жүргізілуде деп хабарлады Қарағанды облысы ІІД баспасөз хатшысы Бақытжан Құдияров Sputnik Қазақстан агенттігіне.
ІІД мәліметінше, 25 қазан күні LADA Priora көлігінің 26 жастағы жүргізушісі Теміртау қаласына қарай 15 магистраль арқылы кетіп бара жатып, "ДАФАС" автоцентрінің маңында, бастапқы деректер бойынша, көктайғақ болғандықтан рөлді басқара алмай, қарсы бетке шығып кетіп, 29 жастағы жүргізуші айдап келе жатқан автобусқа соғылған. Ал, автобус Peugeot автокөлігіне соғылған.
"Көлік апаты нәтижесінде үш автокөлікке механикалық зардап келді. Оқиға орнында LADA Priora көлігінің 26 жастағы жүргізушісі көз жұмды. Көлік апатына ұшыраған басқа тұлғаларға медициналық көмек көрсетілді", — деп хабарлады Құдияров Sputnik Қазақстан агенттігіне.
