АСТАНА, 13 қаз — Sputnik. Қазақстан президенті Нұрсұлтан Назарбаевтың денсаулығы жақсарып қалды деді Елбасының қызы, ҚР парламенті сенатының депутаты Дариға Назарбаева бейсенбі күні сенаттың пленарлық отырысынан кейін.
Сейсенбі күні 11 қазанда Ақорданың баспасөз қызметі Назарбаев салқын тиіп қалғандықтан, ем қабылдауда деп хабарлаған болатын. Президенттің баспасөз хатшысы Айдос Үкібай айтқандай, Елбасының денсаулығы ешқандай алаңдаушылық туғызбайды. Осы аптаның соңына дейін Елбасының халықаралық шараларға қатысуы жоспарланған жоқ. Президенттің кейінгі қызметі әдеттегі жұмыс кестесіне сай жүргізілетін болады.
