АСТАНА, 22 ақпан – Sputnik. Ұлыбританияда кәмпит ұрлағаны үшін түрмеге түскен жасөспірім өзіне қол салды. 18 жастағы Освальдас Пагирис Лондондағы Уандсворт түрмесінен Литваға экстрадициялануы тиіс болған, деп жазды life.ru.
Ол қамауға алынған үш айдың ішінде бес рет өз-өзіне қол жұмсауға әрекеттенген. Ал трагедия болған күні жалғыз адамдық камераға ауыстырылыпты. Пагирис туыстары Лондонда тұратындықтан Литваға қайтып барғысы келмейтінін айтқан.
Пагирис өзіне қол салған күні камерадан қоңырау шалған, алайда түрме қызметкерлері 37 минуттан кейін бір-ақ келген, бұл уақытта жасөспірім ес-түзссіз жатқан. Үш күннен кейін ол көз жұмды.
Алқабилер трагедияға түрме қызметкерлері мен дәрігерлердің көптеген қателігі себеп болды деген шешімге келді. Сонымен қатар, жасөспірімнің психикалық ауытқушылығы бар екенін ешкім білмеген.
