Спорт

Токио Олимпиадасының медалі қандай болады – алғашқы суреттер жарияланды

© AP Photo / Thanassis StavrakisОлимпиада алауы
Олимпиада алауы - Sputnik Қазақстан, 1920, 17.02.2021
Жазылу
Төрт жылда бір рет ұйымдастырылатын дәстүрлі спорт додасы 2020 жылдың жазында өтуі тиіс еді. Алайда, пандемияға байланысты бұл шараны кейінге қалдыру жөнінде шешім қабылданды

НҰР-СҰЛТАН, 17 ақпан – Sputnik. Токиодағы жазғы Олимпиада ойындарын ұйымдастырушылар жеңімпаз спортшылар мойнына тағылатын медаллдардың үлгісін көпшілік назарына ұсынды. Бұл туралы Olympics ұйымының твиттердегі парақшасында жазылды деп хабарлайды Sputnik Өзбекстан.

Токио ойындарының эмблемасы мен дәстүрлі итимацу үлгісі медальдың қақ ортасында орналасқан. 

​Айта кетейік, мұндай дизайнды жапондықтар жазғы спорт ойындарын өткізуге дайындық барысында, яғни 2019 жылы ұсынған. Ал дәстүрлі шара былтыр жазда өту тиіс болғанымен, коронавирус пандемиясы оның ұйымдастырылуына өзіндік әсерін тигізді. 

​Бастапқы кезде бұл шараны мүлдем тоқтатып тастау мәселесі көтерілді. Кейіннен ресми Токио Олимпиада өткізу құқығын сақтай отырып, оны жай ғана кейінге шегеру шешімін қабылдады. 

View this post on Instagram

A post shared by Tokyo 2020 (@tokyo2020)

Ал медальдарға қатысты қызықты сәттің бірі 2019 жылы болды: жергілікті тұрғындар медаль жасау үшін екі жыл бойы ақаулы смартфондар мен планшеттерді және компьютерлерді жинауды қолға алды. Сөйтіп, бірлескен күш-жігердің арқасында жиналған 80 мыңнан астам гаджеттің бағалы металдары алынып, медаль жасау үшін балқытылды.

Оқи отырыңыз: Олимпиада чемпионы Шәміл Серіков Қонаевқа қандай сауал қойды

Ал оның жобасын жасауды жапондық дизайнер Дзюнъити Каваниси қолға алды.

Жаңалықтар
0