Қоғам

1 желтоқсаннан бастап жазғы доңғалақты ауыстырмаған жүргізушілерге айыппұл салынады

© Sputnik / Абзал КалиевПатрульные полицейские машины готовятся выехать на дежурство
Патрульные полицейские машины готовятся выехать на дежурство - Sputnik Қазақстан, 1920, 29.11.2021
Жазылу
Қазақстанның көлік жүргізушілері 2022 жылдың 28 ақпанына дейін қысқы доңғалақпен жүруге міндетті

НҰР-СҰЛТАН, 29 қараша – Sputnik. Қазақстанда 1 желтоқсаннан 28 ақпанға дейін жүргізушілерге жазғы доңғалақпен жүргені үшін айыппұл салынады.

Елімізде бірнеше жыл бұрын қыс мезгілінде жазғы доңғалақпен жүруге тыйым салынды.

Жазғы доңғалақпен жүргендерге 5 АЕК көлемінде айыппұл салынады (2021 жылы бұл сома – 14 585 теңге, 2022 жылы – 15 315 теңге).

Айта кетері, полицейлер көлігінің доңғалағын ауыстырмағандарға тек қыстың үш айында айыппұл сала алады, қалған уақытта ескертумен шектеледі.

Айыппұлдан бөлек, мұндай көліктің иесі доңғалақты ауыстырғанға дейін мемлекеттік нөмірінен айырылуы мүмкін.

Қазақстанда сыртында тау шыңының, ал ішінде қар түйіршіктерінің белгісі бар және "М+S", "M&S", "M S" белгілерімен таңбаланған шиналар "жарамды" қысқы шина болып есептеледі.

Оқи отырыңыз:

Жаңалықтар
0