НҰР-СҰЛТАН, 24 тамыз – Sputnik. Премьер-министр Асқар Мамин коронавирус бойынша эпидемиологиялық ахуал жақсарып келе жатқанын мәлімдеді, деп хабарлайды Sputnik Қазақстан тілшісі.
"Жалпы эпидемиологиялық жағдай жақсарып келеді, ауру деңгейі төмендей бастады. Өткен аптада вирустың репродуктивтілік индексі 1-ден төмен, қазір 0,93 деңгейінде", -деді Мамин үкімет отырысында.
Айтуынша, ауруханаларда төсек-орындардың 49%-і, ал жансақтау бөлімдері 46%-ке толған.
Бұл ретте премьер вакцина салдыру науқанын одан әрі күшейту қажет екенін атап өтті.
Оқи отырыңыз: Цой коронавирусқа қатысты жаңа болжамды жариялады
Бұдан бөлек, Мамин ведомствоаралық комиссияға эпидемиологиялық жағдай тұрақталып жатқан өңірлерде Ashyq жүйесіне қосылған бизнес субъектілері үшін демалыс күнгі шектеулерді жеңілдету мәселесін қарастыруды тапсырды.
