05:09 17 Маусым 2021
Тікелей эфир
  • USD425.63
  • EUR515.99
  • RUB5.92
Қоғам
Қысқа сілтеме алу
2123 0 0

Министр ведомство веложолдар және тротуарларда электр самокатпен жүру мәселесін қарастырып жатқанын атап өтті

НҰР-СҰЛТАН, 11 маусым – Sputnik. Ішкі істер министрлігі елде электр самокатпен жүруге қатысты шектеулер енгізуі мүмкін, деп хабарлайды Sputnik Қазақстан тілшісі.

Ішкі істер министрі Ерлан Тұрғымбаевтың айтуынша, қолданыстағы жол қозғалысы туралы заңға сәйкес, елде самокат деген көлік құралы жоқ. Оған бірнеше себеп бар. Біріншіден, аталған техниканың сертификаты жоқ, екіншіден ол көліктерге қойылатын талаптарға сай келмейді: доңғалағының диаметрі, тежегіш жүйесі, айналары, қауіпсіздік жүйесі.

"Яғни бүгінгі таңда электр самокаттармен трассалар мен жолдарда жүруге үзілді-кесілді тыйым салынады", -деді министр халыққа есеп беру кездесуінде.

Ол қазір ведомство веложолдар және тротуарларда электр самокатпен жүру мәселесін қарастырып жатқанын атап өтті.

"Бірқатар самокаттың жылдамдығы сағатына 20 шақырымнан асады. Кейбір елдерде шектеулер енгізілген", - деді Тұрғымбаев.

Мәселен, Ұлыбританияда самокатты тек жекеменшік аумақта ғана пайдалануға болады. Басқа еуропалық елдерде самокаттардың жылдамдығына қарай шектеу енгізілген – велосипед жолдарында сағатына 20 шақырымға дейін, жаяу жүргіншілер жолында 12 шақырымнан төмен.

"Біздің елде бұл мәселе реттелмеген. Қазіргі таңда барлық мүдделі органның қызметкерлерінен жұмыс тобы құрылды. Заңнамаға өзгерістер енгізіледі немесе ұсыныстар қаралады деп ойлаймын", - деді министр.

Оқи отырыңыз: Үстінен ұшып өтті: Алматыда самокат пен көлік соқтығысты – видео

Бұған дейін Алматыда самокат мінген қызды жүк көлігі қағып кетті. Куәгерлер мен жүргізушінің айтуынша, Jac жүк көлігі Ақсу көшесімен батыс бағытқа қарай келе жатқан. Қиядан төмен қарай самокатпен түскен қызды жүргізуші тым кеш байқаған. Алайда тоқтауға тырысқан әрекеті нәтижесіз болып, бүлдіршінді басып өткен. 2013 жылғы қыз оқиға орнында көз жұмды.

Тақырып бойынша

Қостанайда көлік жүргізушісіне 2 миллион теңгенің айыппұлы салынды
Тоқтай алмаған: Алматыда жеті жасар бүлдіршін қайтыс болды
Алматыда екі троллейбус соқтығысты - фото
Нұр-Сұлтанда зейнеткерді автобус қағып кетті
Кілт сөздер:
шектеу, жол жүру ережесі
Загрузка...

Басты тақырып