02:02 24 Маусым 2021
Тікелей эфир
  • USD426.61
  • EUR509.33
  • RUB5.88
Қоғам
Қысқа сілтеме алу
822 0 0

Соңғы бес жылда балаларға қарсы қылмыстар саны 30%-ке төмендеген. Бірақ биыл қылмыс саны үштен бірге артты

НҰР-СҰЛТАН, 11 маусым – Sputnik. Пандемия кезінде кәмелетке толмаған балаларға қарсы жасалған қылмыстар саны өсті. Бұл туралы ішкі істер министрі Ерлан Тұрғымбаев халыққа есеп беру кездесуінде мәлімдеді, деп хабарлайды Sputnik Қазақстан тілшісі.

Оның айтуынша, соңғы бес жылда балаларға қарсы қылмыстар саны 30%-ке төмендеген. Бірақ биыл қылмыс саны үштен бірге артты.

"Бұған адамдардың пандемия кезінде ұзақ уақыт үйде оқшаулануы және балалардың мектепке бармай, онлайн сабақ оқуы түрткі болды. Көп жағдайда қылмыстарға отбасылық проблемалар, тұрмыстың төмендігі және ата-аналардың қоғамға жат өмір сүру салты себеп болды", - деді Тұрғымбаев.

Министрдің мәліметінше қылмыстардың жартысына жуығы – 43,5%-і балаларға қарсы жыныстық зорлық-зомбылық. Олардың көбін бұрын полицияның бақылауына ілінбеген жақын адамдары жасаған.

"Көп жағдайда бұл қылмыстар жасырын қалады. Өйткені баланың жақындары мұның жария болғанын қаламайды", - деді ведомство басшысы.

Ол мұндай қылмыстар кәмелетке толмағандардың ісімен айналысатын инспекторлар мен учаскелік полицейлердің балалармен әңгімелесуі және денсаулық сақтау органдарымен өзара іс-қимылы барысында анықталатынын атап өтті.

Оқи отырыңыз: Тұрғымбаев мектепке қандай заттарды кіргізуге тыйым салынатынын айтты

Бұған халық арасында ауқымды ақпараттық жұмыс жүргізу, қоғамда зорлық-зомбылыққа төзбеу сезімін қалыптастыру жұмысы сеп болуда. Мәселен, қазір әлеуметтік желілер арқылы түсетін хабарлар саны артты. Олардың басым бөлігі өткен жылдары жасалған қылмыстар бойынша, деп толықтырды Тұрғымбаев.

Тақырып бойынша

Аягөз интернатындағы төрт баланың өлімі: сот дәрігерлерге үкім шығарды
Ішкі істер министрі балаларға қарсы қылмыстың жасалу себептерін айтты
Сәтбаевтағы жаппай тәртіпсіздік: адвокат сотталушылардың жүйкесі сыр бергенін айтты
Петропавлдық келіншек қызын өлімші етіп сабады – бала жансақтау бөліміне түсті
Кілт сөздер:
Ішкі істер министрлігі, қылмыс, балалар
Загрузка...

Басты тақырып