АЛМАТЫ, 18 мамыр – Sputnik. Маусымда Қазақстанда мемлекеттік мерекелер жоқ. Жаздың басы сейсенбіге түседі, ол – жұмыс күні.
Мереке болмағандықтан аптасына бес күн жұмыс істейтін қазақстандықтар маусым айында 8 күн демалады. Осылайша, 5, 12, 19, 26 маусым (сенбі) және 6, 13, 20, 27 маусым (жексенбі) күндері демалыс болады.
Дей тұрғанмен маусымда Қазақстанда бірнеше мереке бар. Олар:
- 4 маусым – Қазақстан Республикасының мемлекеттік рәміздері күні;
- 6 маусым – қаржы полициясы күні;
- 20 маусым – медицина қызметкерлері күні;
- 28 маусым – бұқаралық ақпарат құралдары қызметкерлері күні.
Айта кетейік, маусымда көптеген маңызды күн мен халықаралық мерекелер бар. Олар:
- 1 маусым – Балаларды қорғау күні;
- 5 маусым – Дүниежүзілік қоршаған ортаны қорғау күні;
- 26 маусым – есірткіні теріс пайдалану мен олардың заңсыз айналымына қарсы халықаралық күрес күні.
Бұл мерекелердің ешқайсында демалыс берілмейді.
Оқи отырыңыз: 2021 жылы қазақстандықтар қанша күн демалады
Әлемде және Қазақстанда қай күні қандай мереке бар екенін Sputnik дерекқорынан оқыңыз.
