НҰР-СҰЛТАН, 12 ақпан – Sputnik. Қазақстан коронавирусқа қарсы "Спутник V" ресейлік вакцинасын тіркеуді мақұлдады. Бұл туралы "Спутник V" вакцинасын әзірлеуші Twitter-де хабарлады.
Kazakhstan becomes the 27th country to authorize #SputnikV vaccine.
— Sputnik V (@sputnikvaccine) February 12, 2021
Қазақстан Sputnik V вакцинасына рұқсат берген 27-ші мемлекет болды. pic.twitter.com/KPJqEJPLvd
Ақпаратта Қазақстан бұл вакцинаны тіркеген әлемдегі 27-ші мемлекет болғаны аталып өткен.
Еліміздің денсаулық сақтау министрлігі Sputnik Қазақстан тілшісіне тіркеу рәсімі әлі аяқталмағанын хабарлады.
"Спутник V" – әлемдегі алғаш тіркелген вакцина. Ол – тиімділігі 90% -тен асатын әлемдегі үш вакцинаның бірі. Вакцинаның тиімділігі 91,6% көрсетті, бұл мәлімет 19 866 еріктіге сынақ жүргізілгеннен кейін алынды.
Министр Цой отандық вакцина туралы: үлкен сенім артып отырмыз
Бұған дейін Ресейде шығарылған "Спутник V" вакцинасының 22 мың дозасы Қазақстанға жеткізілді.
1 ақпанда ресейлік "Спутник V-мен" вакциналау басталды.
Денсаулық сақтау министрі Алексей Цой Қарағанды фармацевтика кешені базасында өндірілетін "Спутник V" вакцинасын тіркеу жоспарланып отырғанын хабарлады.
"Қазақстанда, Қарағанды фармацевтика зауыты алаңында шығарылатын "Спутник V" вакцинасын тіркеу процедурасы өтіп жатыр, өтінім берілді. Осы вакцинаға уақытша тіркеу туралы куәлік ақпан айының соңында беріледі", - деді Алексей Цой.
Ол вакцина шамамен 15-25 ақпан аралығында тіркеледі деп жоспарланып отырғанын атап өтті.