14:51 03 Наурыз 2021
Тікелей эфир
  • USD420.65
  • EUR505.03
  • RUB5.64
Қоғам
Қысқа сілтеме алу
541 0 0

Телефон экранына түс таңдаған кезде мүмкіндігінше қара-қоңыр фон қойған дұрыс. Ол смартфон жұмысының уақытын ұзартады

АЛМАТЫ, 22 қаңтар – Sputnik. Кейінгі кезде смартфон экранының күйіп кетуі жиілеген. Оның себебін Hi-Tech Mail.ru басшысы Дмитрий Рябинин Sputnik радиосына берген сұхбатында айтты.

Оның мәліметінше, кейінгі бірнеше жылда экранның күйіп кетуі смартфон қолданушылары арасында үлкен мәселеге айналған. Оның себебі адамдар смартфонды жиі қолдана бастаған. Соның салдарынан екі жылдан кейін матрица жанып кетеді және экранда қандай да бір іздер пайда болады.

"Ең алдымен экранда ақ және көк болып тұратын аймақтар жанып кетеді, яғни пернетақта іздері қалып қояды. Сондай-ақ, экранның жоғары жағында сағат көрсетіліп тұратын аймақ күйіп кетеді", - деп түсіндірді Дмитрий Рябинин.

Сарапшы қазір дисплейді қалпына келтірудің ешқандай әдісі жоқ екенін атап өтті. Алайда телефон ұзағырақ қызмет етуі үшін бірнеше қарапайым тәсілі бар.

"Телефон экранына түс таңдаған кезде мүмкіндігінше қара-қоңыр фон қойған дұрыс. Ол смартфон жұмысының уақытын ұзартады. Сонымен қатар телефон қолданылмайтын уақытта экранның автоматты түрде өшуі үшін таймер қосу керек, яғни телефон бес минут қолданылмаса, өзі құлыпталып қалатындай ету қажет. Бұл да экранның жұмысын ұзартады", - деді маман.

"Телефон жарылып кетеді": смартфонды қандай жағдайда зарядтауға болмайды

Сондай-ақ, аса қажет болмаса экран жарығын тым жоғары етіп қоймау қажет. Телефонды сағат көріп отыратын құралға айналдырмай, үнемі фонда тұрған фотоны ауыстыру керек, ішінде бағдарламалардың орналасуын ауыстырып отырған жөн.

Сарапшының айтуынша, жаңа телефон сатып алар кезде сөреде тұрған құрылғыны таңдамаған дұрыс. Оның бағасы салыстырмалы түрде арзан болғанымен, ол біраз уақыт қосулы тұрған. Қандай да бір ақау бірден көрінбегенімен бірнеше айдан кейін пайда болуы мүмкін.

Тақырып бойынша

Сарапшы телефонға код қоюдың ең сенімді әдісін атады
Жаңа жыл телефонға қауіп төндіреді
Телефонды сымсыз зарядтау қауіпті ме – сарапшы пікірі
Сарапшы смартфонның құпия коды не үшін қажет екенін айтты
Телефондағы фотоны біржола жою үшін не істеу керек – сарапшы кеңесі
Кілт сөздер:
телефон, смартфон
Загрузка...

Басты тақырып