03:33 27 Қаңтар 2021
Тікелей эфир
  • USD420.71
  • EUR516.13
  • RUB5.65
Қоғам
Қысқа сілтеме алу
3115 0 0

Мамандардың айтуынша, егер кірістер жоғары болса, онда ең төменгі жеткіліктілік шек тезірек қалыптасады. Ал зейнеткерлікке шыққаннан кейінгі төлемдер ең төменгі зейнетақыдан көп болады

НҰР-СҰЛТАН, 14 қаңтар – Sputnik. Бірыңғай жинақтаушы зейнетақы қоры зейнетақы жинағының бір бөлігін пайдалануға қажетті жеткіліктілік шегіне түсініктеме берді, деп хабарлайды Sputnik Қазақстан қордың ресми сайтына сілтеме жасап.

Айта кеткен жөн, зейнетақы жарналарының бір бөлігін ең төменгі жеткіліктілік шегінен асатын және болашақта ең төменгі зейнетақы мөлшерінен кем болмайтын зейнетақы төлемдерін алуға мүмкіндік беретін жинақты қалыптастырған салымшылар ғана пайдалана алады.

"Бұл ретте азаматтардың пайдалануы үшін қолжетімді зейнетақы жинақтары тек міндетті зейнетақы жарналарын және міндетті кәсіптік зейнетақы жарналарын ғана емес, сондай-ақ, оларды инвестициялаудан алынған инвестициялық табысты да қамтиды", – дейді қор мамандары.

Ал "Қазақстан Республикасында зейнетақымен қамсыздандыру туралы" заңға сәйкес, "зейнетақы жинақтарының ең аз жеткіліктілікті шегі" салымшының зейнетақы жинақтарының нақты сомасын, сондай-ақ, оның болашақ зейнетақы жарналары мен инвестициялық табысын қамтиды. Соның арқасында ең төмен зейнетақыдан кем болмайтын зейнетақы төлемдерін жасауға болады.

"Бұл ретте болашақ жарналардың ең төменгі жалақы мөлшерінен төмен емес табыстан аударылатыны есепке алынды. Егер кірістер жоғары болса, онда ең төменгі жеткіліктілік шегі тезірек қалыптасады, ал зейнеткерлікке шыққаннан кейінгі төлемдер ең төменгі зейнетақыдан көп болады", – делінген қордың ресми хабарламасында.

Жеткіліктілік шегін есептеуге арналған әдістеме мен өлшемдер үкімет қаулысымен айқындалады және әрбір жас үшін жеке есептеледі. 2021 жылға арналған зейнетақы жинақтарының ең төменгі жеткіліктілік шектерінің алдын ала мөлшерін мына сілтеме арқылы көруге болады.

Оқи отырыңыз: Зейнетақы жинағын пайдалану үшін қанша уақыт беріледі – БЖЗҚ түсіндірді

Бүгінде әрбір салымшы өз жинақтарының жеткіліктілік шегіне сәйкестігін тексере алады. БЖЗҚ-дағы зейнетақы шотынан үзінді көшірмені enpf.kz сайтындағы жеке кабинеттен, БЖЗҚ-ның жаңартылған ұялы қосымшасынан немесе egov.kz порталынан онлайн режімде шығаруға мүмкіндік бар. Үзінді көшірмеде жеткіліктілік шегі және нысаналы пайдалану үшін қолжетімді сома көрсетіледі.

Сайттағы жеке кабинетте және БЖЗҚ ұялы қосымшасында авторланудың екі тәсілі қолжетімді. Олар:

  • электронды цифрлық қолтаңбаны пайдалану;
  • ЖСН мен парольді енгізу.

БЖЗҚ дерекқорында тіркелген электрондық поштамен де тұрақты түрде үзінді көшірме алуға болады.

"БЖЗҚ-дағы жинақтар туралы ақпаратқа ыңғайлы әрі жылдам қол жеткізу үшін Қор Telegram мессенджерінде өзінің жеке ботын іске қосты, оның көмегімен де үзінді көшірме алуға болады. Өзіңіздің зейнетақы жинақтарыңызды "БЖЗҚ" АҚ өңірлік бөлімшелеріне жеке басыңызды куәландыратын құжатпен барып та тексере аласыз", – дейді мамандар.

Ал БЖЗҚ бөлімшелері жоқ шалғай аудандардың тұрғындары "Қазпошта" АҚ-ның авторландырылған бөлімшелеріне жүгініп, хабарлаудың кез келген ыңғайлы тәсілін таңдай алады. Пошта бөлімшелерін мына жерден көруге болады.

Тақырып бойынша

Зейнетақы жинағын пайдалануға қатысты тың ақпарат жарияланды
Зейнетақы жинағын пайдалану үшін банкке бару керек пе?
Қазақстандықтар зейнетақы қорының сайтын істен шығарды
Қазнетте зейнетақы екі есеге өседі деген ақпарат тарады
Зейнетақы жинағын шешіп алу үшін есепшот қалай ашылады – видео
Кілт сөздер:
зейнетақы жинағы, зейнетақы
Загрузка...

Басты тақырып