19:11 26 Қаңтар 2021
Тікелей эфир
  • USD420.71
  • EUR516.13
  • RUB5.65
Қоғам
Қысқа сілтеме алу
2492 0 0

Банктегі арнайы шотқа аударылған жинақ 45 жұмыс күні ішінде пайдаланылмаса, қаржы Бірыңғай жинақтаушы зейнетақы қорына қайтарылады

НҰР-СҰЛТАН, 30 желтоқсан – Sputnik. Бірыңғай жинақтаушы зейнетақы қоры жинақтың бір бөлігін пайдалану тәртібін түсіндірді, деп хабарлайды Sputnik Қазақстан.   

Ресми мәліметке сәйкес, 761 мыңнан астам жұмыс істейтін салымшы жалпы көлемі 2,4 триллион теңгеден астам қаражатты мерзімінен бұрын пайдалану құқығына ие болады. Жинақтың жеткіліктілік деңгейінен асатын орташа сома шамамен 3,2 миллион теңге болады.

"Зейнетақы жинағының бір бөлігін пайдалану құқығын іске асыру үшін азаматтар, ең алдымен, өз жинағын тексеріп, жеткіліктілік шегінен асатын қажетті соманың бар екеніне көз жеткізуі керек. БЖЗҚ-да үзінді-көшірмені қордың сайты немесе ұялы қосымша арқылы алуға болады", - дейді БЖЗҚ мамандары.   

Зейнетақы жинағының бір бөлігін алатын адамдар алдымен уәкілетті операторға барады. Мәселен, тұрғын үй мәселесіне "Отбасы банк" жауапты болады. Оператор барлық құжатты тексергеннен кейін БЖЗҚ-ға салымшының өзі айқындаған және оның өтінімінде көрсетілген мөлшердегі зейнетақы жинағын аудару туралы хабарлама жібереді. Ал салымшы зейнетақы жинағын алғанда жеке табыс салығын бірден төлей алады, я болмаса, кейінге қалдыруға болады.

Оқи отырыңыз: Парламент зейнетақы жинағын пайдалануға қатысты заңды қабылдады 

БЖЗҚ бес жұмыс күні ішінде ақшаны уәкілетті операторға аударады. Оны азаматтардың арнайы шотына салып қояды.   

"Зейнетақы жинағы арнайы шотта 45 жұмыс күнінен аспайтын уақыт ішінде жатады. Осы мерзім ішінде жинақ нысаналы мақсаты бойынша пайдаланылуға немесе салымшының БЖЗҚ-дағы зейнетақы шотына қайтарылуға тиіс", - делінген ресми хабарламада.  

Ал зейнетақы жинағының бір бөлігін сенімгерлік компанияның басқаруына беру үшін салымшы БЖЗҚ-ға қажетті құжаттармен бірге өтініш жазады. Оны жеке өзі апарып береді, я болмаса, enpf.kz интернет-ресурс арқылы электронды цифрлық қолтаңбамен жібере алады. Бұдан бөлек, зейнетақы жинағын тегін медициналық көмектің кепілдік берілген көлеміне кірмейтін емдеу шараларына жұмсауға болады.

Тақырып бойынша

Зейнетақы жинағын алу: 10%-тік салыққа қатысты өзгеріс енгізілді
Зейнетақы жинағыма тиіспеймін – Нұрымбетов
Қанша қазақстандық зейнетке ақша жинап жүр
"5-10-20" бағдарламасының төртінші кезеңі басталды: өтінішті кімдер тапсыра алады
Депутат зейнетақы жинағын пайдалану туралы жаңа заңға қатысты жаңалықты жариялады
Зейнетақы жинағын нақты қандай ауруды емдеу үшін қолдануға болады
Кілт сөздер:
баспана, зейнетақы жинағы
Загрузка...

Басты тақырып