01:23 04 Желтоқсан 2020
Тікелей эфир
  • USD422.87
  • EUR512.10
  • RUB5.63
Қоғам
Қысқа сілтеме алу
8806 0 0

Нағыз Қазақстан – бұл заманауи, абыройлы қоғамы бар, Бораттың нұсқасына қарама-қайшы тамаша ел, дейді фильм авторы

АЛМАТЫ, 27 қазан – Sputnik. Британдық комик Саша Барон Коэн "Борат" және "Борат-2" фильмінде неге Қазақстан атын пайдаланғанын айтты, деп хабарлайды Sputnik Қазақстан.

Сценарий авторы мен атышулы фильмнің басты кейіпкерінің түсініктемесін The New York Times жариялады.

"Бұл – комедия, фильмдегі Қазақстан мен нақты елдің арасында ешқандай байланыс жоқ. Қазақстанды АҚШ-та ешкім білмейтін болған соң таңдадым. Соның арқасында ерсі, комедиялық, жалған әлемді көрсете алдық. Нағыз Қазақстан – заманауи, абыройлы қоғамы бар, Бораттың нұсқасына қарама-қайшы тамаша ел", – деді Коэн редакцияға электронды пошта арқылы жолдаған хатында.

Саша Барон Коэн Қазақстанға туристерді тарту үшін түсірілген жарнамалық видеоға қатысты осындай пікір білдірді. 

Kazakh Tourism ұлттық компаниясы "Very nice!" тіркесі бірнеше рет қайталанатын роликті жариялады. Борат осы сөз тіркесін фильмде айтқан еді. Комедияны позитивті түрде пайдалану идеясын Қазақстанға келген америкалық Деннис Кин жүзеге асырды.

Айта кетейік, бұған дейін "Намыс" патриоттық бірлестігі Алматыдағы АҚШ-тың Бас консулдығына "Борат-2" фильмінің шығуына қарсы петиция жіберген болатын. Консулдық Америка Құрама Штаттары үкіметінің бұл фильмді қаржыландыруға, өндіруге немесе шығаруға ешқашан қатыспағанын мәлімдеді.

Оқи отырыңыз: "Бұл өтірік емес": Бүркіт "Боратқа" нағыз Қазақстанды көрсетпек

Фильмде нәсілшілдік пен ксенофобияның айқын формасы бар, алайда наразылық нота жолдаудың мәні жоқ, деген болатын Қазақстанның сыртқы істер министрлігі өз кезегінде.

Тақырып бойынша

Қазақстанды бүкіл әлемге "паш еткен" Борат Астанаға келуі мүмкін
АҚШ-тың Қазақстандағы елшісі "Борат" фильміне қатысты пікір білдірді
"Борат-2": министр қандай шара қолға алынатынын айтты
"Борат-2" фильміне қарсы петиция: АҚШ-тың Бас консулы жауап берді
"Көрсетуге болмайды": "Борат-2" фильміне қарсы жастар АҚШ бас консулдығына барды
Кілт сөздер:
фильм, Борат
Загрузка...

Басты тақырып