Қоғам

Қазақтың Кәмшаты атанған Дөненбаева дүниеден өтті

Жазылу
Қазақтың Кәмшаты атанған Кәмшат Дөненбаева 74 жасында дүниеден өтті

АСТАНА, 10 қараша — Sputnik. Атақты механизатор, тың игеруші, Социалистік Еңбек ері Кәмшат Дөненбаева 74 жасында  дүниеден өтті, деп хабарлайды Sputnik Қазақстан. 

Камшат Байғазықызы Дөненбаева— ауыл шаруашылығын дамытуға үлес қосқан атақты механизатор, тың игеруші, Социалистік Еңбек Ері. 

Мария Королева (дочь Людмилы Гурченко), архивное фото - Sputnik Қазақстан
Қоғам
КСРО халық әртісінің қызы Мария Королева қайтыс болды

Еңбек жолын Ұзынкөл элеваторында жұмыс істеуден бастаған. 1961 жылдан Қостанай облысы, Боровский ауданы "Харьковский" совхозында механизатор болып еңбек еткен. Қостанай облысының Меңдіқара ауданындағы "Каменьск-Уральский" кеңшарында механизаторлар дайындайтын курсты, Қостанай ауыл шаруашылык техникумын сырттай оқып бітірген. 1972 жылы қайырмасыз соқамен жер жыртуда әйел механизаторлар арасында өткізілген облыстық жарыста бірінші орынға, республикалық жарыста үшінші орынға, 1973 жылы Ростов облысындағы Зерноградта бүкілодақтық жарыста жүлделі орынға ие болған.

Одан кейінгі жылдары жер жыртып, жылдық міндеттемелерін асыра орындаған. Қазақ қыздарының ауыл шаруашылық техникаларын меңгеруіне үлгі өнеге болды. Камшат Дөненбаеваға Бүкілодақтық халық шаруашылығы жетістіктері көрмесінің Құрмет дипломы жөне "Москвич" автомашинасы берілді. Ол СОКП XXV съезінің делегаты, IX сайланған КСРО Жоғары Кеңесінің депутаты. 

1990-1993 жылдары осы кеңшарда қауіпсіздік техникасының инженері, 1993 жылдан шаруа қожалығын басқарады. 1980-1985 жылдары КСРО Жоғарығы Кеңесінің Ұлттар Кеңесі төрағасының орынбасары болды. 1976 жылы КСРО Мемлекеттік сыйлығының лауреаты. Екі рет Ленин орденімен, Құрмет белгісі орденімен марапатталған.


Жаңалықтар
0