АСТАНА, 9 қазан — Sputnik. Бір айдай бұрын Астанада жылу трассасы құбырында нәресте табылған, полиция әлі күнге дейін ата-анасын іздеп жатыр, деп хабарлады қаланың ішкі істер департаменті баспасөз қызметі.
ІІД ақпаратына сүйенсек, төрт айлық бала 12 қыркүйекте 07:00 кезінде Есенберлин көшесіндегі жылу құбыры үстінде табылған. Балаға қою жасыл түсті боди кигізіп, ақ жөргекке ораған, сыртынан ақ түсті түкті көрпемен оралған екен.
Астана полициясы осы дерек бойынша сотқа дейінгі тергеу жүргізуде.
"Сәби балалар үйіне орналастырылды", — деп хабарлайды полиция.
Қандай да бір мәлімет білетін жандардың келесі нөмірлерге хабарласуын сұраймыз: 8 (7172) 71-66-11, 71-66-10, 71-66-49, 71-66-58, 8-747-580-71-78 немесе 102.
Астанада табылған нәресте
© Photo : Астана ІІД
