НҰР-СҰЛТАН, 12 қараша – Sputnik. Үлбі көпірінде полиция қызметкері жол апатын жасады.
Жол талғамайтын Lexus көлігі №32 автобуспен соқтығысты, деп жазды Noks.kz. Әлеуметтік желіде апат болған жерде түсірілген видео жарияланды.
Шығыс Қазақстан облысының полиция департаменті жол апаты 12 қараша сағат 13:00 шамасында болғанын хабарлады.
"Алдын ала мәлімет бойынша Lexus жүргізуші рөлді басқара алмай, қарсы жолаққа шығып кетіп, автобуспен соқтығысқан. Қоғамдық көлікте төрт адам болған", - деп хабарлады ведомствоның баспасөз қызметі.
Жол апаты салдарынан автобустың жүргізушісі мен жолаушылары жарақат алды.
Сондай-ақ департамент Lexus жүргізушісі полиция қызметкері екенін, алайда кезекшіліктен кейінгі демалысында болғанын хабарлады. Болжам бойынша ол көлік жүргізіп келе жатып ұйықтап кеткен.
Оқиға куәгерлері көлік жүргізушісі мас болған деп болжады. Бірақ медициналық сараптама жүргізушінің сау екенін көрсетті. Полицей де жарақат алып, ауруханаға жеткізілді.
Оқи отырыңыз:
- Көліктер өртеніп кетті: Алматы облысында жол апатынан бес адам көз жұмды
- Екі КамАЗ-дың арасында қалған: Алматыда жантүршігерлік жол апаты болды – видео
- Бүтін бір отбасы көз жұмды: көлік жүргізушісіне сот үкімі шықты
