НҰР-СҰЛТАН, 22 қазан – Sputnik. Павлодар облысы бойынша мемлекеттік қызмет істері агенттігінің этика жөніндегі кеңесі Құндыкөл ауылы әкімінің әрекетін қарады. Бұған дейін ол жауған қарды видеоға түсірген әженінің үйіне барып, кешірім сұрауға мәжбүрлеген. Соның бәрін смартфонға жазып алды, деп хабарлайды Sputnik Қазақстан.
Кеңес мүшелері ауылдық округ әкімі этика нормаларын бұзды деген шешімге келді. Соның нәтижесінде халықтың сынына ұшырады. Отырыста әкім де сөз сөйлеп, өз әрекетін түсіндірді.
Оның айтуынша, видеоны аудан әкіміне көрсету үшін түсірген. Әлеуметтік желіге салмапты.
"Мені оны тек ондай қар жоқ екенін айтуды сұрадым", - дейді ол.
Кеңес мүшелері дауыс беру арқылы шешім шығарып, ауыл әкіміне сөгіс жариялады.
Айта кетері, осы айдың басында Павлодар облысының пабликтерінің бірінде жауған қарды видеоға түсіргені үшін әкімдіктен кешірім сұраған Баянауыл ауданы тұрғынының видеосы тарады.
Әйел шенеунікке видеоны әлеуметтік желіде жарияламағанын, туыстарына ғана жібергенін айтып ақталды. Бірақ шенеунік түсініктеме беруді талап етті.
Әжеге кешірім сұрауға тура келді.
Посмотреть эту публикацию в Instagram
Желі қолданушылары әкімдік қызметкерінің әйелге не үшін кешірім сұратқанын түсінбейтінін жазған.
Баянауыл ауданының әкімі Қанат Кәрімов Sputnik Қазақстан тілшісіне бұл келеңсіз жағдайға өзіне берілген тапсырманы дұрыс түсінбеген ауыл әкімі кінәлі екенін айтты.
Кәрімов ауданда қар тазалау жұмыстары жүріп жатқанын, тәулігіне бір жарым айлық норма түскенін атап өтті.
Оқи отырыңыз:
- Агенттік баянауылдық әйелдің кешірім сұраған видеосынан кейін тергеу жүргізеді
- Шоқан Уәлиханов әкесіне жолдаған соңғы хатында не деп жазды
