Өңірлер

Қызылордада 10 күн бойы жұртты уайымға салған қыз табылды

© PhotoДевушка сидит на подоконнике, иллюстративное фото
Девушка сидит на подоконнике, иллюстративное фото - Sputnik Қазақстан, 1920, 04.04.2021
Жазылу
10 күн бұрын із-түзсіз жоғалғандар ретінде іздеу жарияланған 17 жастағы қызылордалық қыз аман-есен табылды

ҚЫЗЫЛОРДА, 4 сәуір – Sputnik. Қызылордадағы "Атамекен" балалар ауылының 10 күн бұрын жоғалып кеткен 17 жастағы тәрбиеленушісі Ділдә Нұғманова аман-есен табылды. Бұл туралы әлеуметтік желіде Қызылорда облыстық білім басқармасы хабарлады.

"Бірнеше күн бұрын жоғалып кеткен "Атамекен" балалар ауылының тәрбиеленушісі Ділдә Нұғманова аман-есен табылды", – делінген хабарламада. – Бір апта іздегеннен кейін Ділдәні Алматыға жақын жерден тапты".   

Девушка смотрит в окно - Sputnik Қазақстан, 1920, 30.03.2021
Өңірлер
Шымкентте бір топ ер адам алып қашқан қыз табылды
Еске сала кетейік, 17 жастағы Ділдә 25 наурызда түнгі сағат екі шамасында балалар ауылы аумағынан белгісіз бағытқа кетіп, оралмаған. Онымен бірге "Атамекен" ауылының тағы екі тәрбиеленушісі Люба Нестеренко мен Рано Сабанқұлова болды. Үш қызға да іздеу жарияланды, Люба мен Рано екі күннен кейін Алматыдан табылды, бірақ қыздар Ділдәның нақты қай жерде екенін айта алмады. Полиция мен еріктілер қызды іздеуді жалғастырды.

Облыстық білім басқармасының өкілдері Ділдә Нұғманованы іздеуге қатысқандардың барлығына зор ризашылығын білдірді.

"Жетім балаларды іздеуге белсенді қатысқан полицейлер мен еріктілерге алғыс айтамыз", - делінген хабарламада.

Облыстық білім басқармасының мәліметінше Ділдә Нұғманова әзірге Алматыда.

"Қыздың денсаулығы жақсы, ол қауіпсіз жерде, онымен мамандар жұмыс істеп жатыр", – деп хабарлады басқарма. – Рано мен Люба Алматыдан Қызылордаға жеткізілді, қазір балалар ауылында тұрып жатыр". 

Қыздар Алматыға неліктен қашып кеткенін және 10 күн бойы қалай өмір сүргенін қамқоршылар айтқысы келмеді.

Айта кету керек, Рано Сабанқұлова 2017 жылы 10 жасында ресейлік НТВ телеарнасында өткен "Ты супер" вокалдық жобасына қатысты.

Жаңалықтар
0