https://sputnik.kz/20211206/Tokaev-Mirziev-Akorda-18834264.html
Тоқаев пен Мирзиёев не туралы сөйлесті – Ақорда ресми ақпарат жариялады
Тоқаев пен Мирзиёев не туралы сөйлесті – Ақорда ресми ақпарат жариялады
Sputnik Қазақстан
Қазақстан президенті екі елдің аймақтағы тұрақтылық пен қауіпсіздікті қамтамасыз ету саласындағы рөліне де тоқталды 06.12.2021, Sputnik Қазақстан
2021-12-06T13:56+0500
2021-12-06T13:56+0500
2022-02-01T13:05+0500
саясат
шавкат мирзиёев
қасым-жомарт тоқаев
ақорда
https://sputnik.kz/img/07e5/0c/06/18833664_0:0:3248:1827_1920x0_80_0_0_c9f7245de4be459f545d69130294adcc.jpg
НҰР-СҰЛТАН, 6 желтоқсан – Sputnik. Мемлекет басшысы Қасым-Жомарт Тоқаев Қазақстанға мемлекеттік сапармен келген Өзбекстан президенті Шавкат Мирзиёевті Ақордада салтанатты түрде қарсы алды. Екі елдің президенттері Шығыс залында шағын құрамда кездесіп, келіссөз өткізді, деп хабарлайды Sputnik Қазақстан Ақорданың ресми сайтына сілтеме жасап. Қасым-Жомарт Тоқаев қазақ-өзбек ынтымақтастығын жаңа деңгейге көтеру керектігін ерекше атап өтті. Осы тұрғыда Шавкат Мирзиёевтің мемлекеттік сапары оң ықпал етеді. Алдағы уақытта өзара сауда-саттықты екі есеге арттыру жоспарланған."Бүгін біз одақтастық қатынастар туралы декларацияға қол қоямыз. Бұған дейін стратегиялық серіктестік қағидаларына сүйеніп келген болсақ, алдағы уақытта біздің өзара қарым-қатынастарымыз шын мәніндегі жаңа деңгейге көтеріледі. Сондықтан бүгін қол қойылатын құжаттар елдеріміздің арасындағы ынтымақтастыққа тың серпін береді деп есептеймін. Біз үкіметтерімізге жақын арада сауда көлемін 5 миллиард долларға, кейінірек 10 миллиард долларға дейін жеткізу туралы тапсырма беруге уағдаластық. Бұл өте жоғары деңгей", - деді Тоқаев. Қазақстан президенті екі елдің аймақтағы тұрақтылық пен қауіпсіздікті қамтамасыз ету саласындағы рөліне де тоқталды. "Елдеріміз арасындағы одақтастық, стратегиялық қарым-қатынастар – Орталық Азия аймағындағы тұрақтылық пен қауіпсіздікті қамтамасыз етудің маңызды факторы. Бұл ешқандай артық айтқандық емес. Екі ел арасындағы байланыстар қаншалықты тығыз болса, біздің маңызды аймақтағы ахуал да соншалықты тұрақты болады", – деп атап көрсетті Тоқаев.Шавкат Мирзиёев алдымен қазақ жерінде көрсетілген дәстүрлі қонақжайлық үшін ризашылығын білдіріп, өзінің және өзбек халқының атынан Қасым-Жомарт Тоқаевты және Қазақстан халқын Тәуелсіздіктің 30 жылдық мерейтойымен құттықтады. Сондай-ақ Қазақстан президентінің басшылығымен еліміздің қол жеткізген жетістіктерін жоғары бағалады. Екі жақты қарым-қатынастардың дамуына Елбасы Нұрсұлтан Назарбаевтың зор үлес қосқанын да атап өтті.Өзбекстан президенті өзінің мемлекеттік сапары Қазақстан Тәуелсіздігінің 30 жылдығы қарсаңында өтіп жатуының символдық мәні бар екенін айтты. "Екі ел халықтарының арасындағы ғасырлар бойы қалыптасқан достық қарым-қатынастар мемлекетаралық байланыстарды нығайтуға зор септігін тигізетініне сенімдімін", - деді Мирзиёев. Қазақстан мен Өзбекстан басшылары екіжақты стратегиялық серіктестіктің кең ауқымды мәселелерін талқылады. Атап айтқанда саяси, сауда-экономикалық, инвестициялық, көлік транзиттік, мәдени-гуманитарлық ынтымақтастық сияқты негізгі аспектілер қарастырылды. Сондай-ақ аймақтағы, соның ішінде, қауіпсіздікті қамтамасыз ету және көпжақты құрылымдар аясындағы өзара іс-қимыл мәселелері сөз болды.Оқи отырыңыз:
Sputnik Қазақстан
media@sputniknews.com
+74956456601
MIA „Rosiya Segodnya“
2021
Sputnik Қазақстан
media@sputniknews.com
+74956456601
MIA „Rosiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rosiya Segodnya“
Sputnik Қазақстан
media@sputniknews.com
+74956456601
MIA „Rosiya Segodnya“
шавкат мирзиёев, қасым-жомарт тоқаев, ақорда
шавкат мирзиёев, қасым-жомарт тоқаев, ақорда
Тоқаев пен Мирзиёев не туралы сөйлесті – Ақорда ресми ақпарат жариялады
13:56 06.12.2021 (жаңартылды: 13:05 01.02.2022) Қазақстан президенті екі елдің аймақтағы тұрақтылық пен қауіпсіздікті қамтамасыз ету саласындағы рөліне де тоқталды
НҰР-СҰЛТАН, 6 желтоқсан – Sputnik. Мемлекет басшысы Қасым-Жомарт Тоқаев Қазақстанға мемлекеттік сапармен келген Өзбекстан президенті Шавкат Мирзиёевті Ақордада салтанатты түрде қарсы алды. Екі елдің президенттері Шығыс залында шағын құрамда кездесіп, келіссөз өткізді, деп хабарлайды
Sputnik Қазақстан Ақорданың ресми сайтына сілтеме жасап.
Қасым-Жомарт Тоқаев қазақ-өзбек ынтымақтастығын жаңа деңгейге көтеру керектігін ерекше атап өтті. Осы тұрғыда Шавкат Мирзиёевтің мемлекеттік сапары оң ықпал етеді. Алдағы уақытта өзара сауда-саттықты екі есеге арттыру жоспарланған.
"Бүгін біз одақтастық қатынастар туралы декларацияға қол қоямыз. Бұған дейін стратегиялық серіктестік қағидаларына сүйеніп келген болсақ, алдағы уақытта біздің өзара қарым-қатынастарымыз шын мәніндегі жаңа деңгейге көтеріледі. Сондықтан бүгін қол қойылатын құжаттар елдеріміздің арасындағы ынтымақтастыққа тың серпін береді деп есептеймін. Біз үкіметтерімізге жақын арада сауда көлемін 5 миллиард долларға, кейінірек 10 миллиард долларға дейін жеткізу туралы тапсырма беруге уағдаластық. Бұл өте жоғары деңгей", - деді Тоқаев.
Қазақстан президенті екі елдің аймақтағы тұрақтылық пен қауіпсіздікті қамтамасыз ету саласындағы рөліне де тоқталды.
"Елдеріміз арасындағы одақтастық, стратегиялық қарым-қатынастар – Орталық Азия аймағындағы тұрақтылық пен қауіпсіздікті қамтамасыз етудің маңызды факторы. Бұл ешқандай артық айтқандық емес. Екі ел арасындағы байланыстар қаншалықты тығыз болса, біздің маңызды аймақтағы ахуал да соншалықты тұрақты болады", – деп атап көрсетті Тоқаев.
Шавкат Мирзиёев алдымен қазақ жерінде көрсетілген дәстүрлі қонақжайлық үшін ризашылығын білдіріп, өзінің және өзбек халқының атынан Қасым-Жомарт Тоқаевты және Қазақстан халқын Тәуелсіздіктің 30 жылдық мерейтойымен құттықтады. Сондай-ақ Қазақстан президентінің басшылығымен еліміздің қол жеткізген жетістіктерін жоғары бағалады. Екі жақты қарым-қатынастардың дамуына Елбасы Нұрсұлтан Назарбаевтың зор үлес қосқанын да атап өтті.
Өзбекстан президенті өзінің мемлекеттік сапары Қазақстан Тәуелсіздігінің 30 жылдығы қарсаңында өтіп жатуының символдық мәні бар екенін айтты.
"Екі ел халықтарының арасындағы ғасырлар бойы қалыптасқан достық қарым-қатынастар мемлекетаралық байланыстарды нығайтуға зор септігін тигізетініне сенімдімін", - деді Мирзиёев.
Қазақстан мен Өзбекстан басшылары екіжақты стратегиялық серіктестіктің кең ауқымды мәселелерін талқылады. Атап айтқанда саяси, сауда-экономикалық, инвестициялық, көлік транзиттік, мәдени-гуманитарлық ынтымақтастық сияқты негізгі аспектілер қарастырылды. Сондай-ақ аймақтағы, соның ішінде, қауіпсіздікті қамтамасыз ету және көпжақты құрылымдар аясындағы өзара іс-қимыл мәселелері сөз болды.
