НҰР-СҰЛТАН, 4 маусым — Sputnik. Нұр-Сұлтан қаласында екі ер адамның төбелескен сәті видеоға түсіп қалды. Оқиға кезінде жанында тұрған жеңіл көлікке зақым келген, деп хабарлайды Sputnik Қазақстан.
Посмотреть эту публикацию в Instagram
Полицияға көліктің иесі хабар берген. Оның темір тұлпарына кірпіш тиді. Ресми мәліметке сәйкес, бұл оқиға 2 маусымда түнгі уақытта Қошқарбаев көшесінде болған.
"Тексеріс кезінде екі таныс ер адамның ішімдік ішкені анықталды. Екеуі сөзге келіп қалды, жанжалдың арты төбелеске ұласқан. Сол кезде біреуі кірпішпен қала тұрғынының көлігін зақымдаған", - дейді полицейлер.
Тәртіп сақшылары төбелеске қатысқан барлық адамды анықтап, кезекшілік бөліміне жеткізді. Бұзақылық бойынша қылмыстық іс қозғалды. Тергеу шаралары жүргізіліп жатыр.
Оқи отырыңыз: Нұр-Сұлтанда көлік жүргізушілері төбелесіп қалды
Нұр-Сұлтан қалалық полиция департаменті алкогольді ішімдікті шамадан тыс тұтынудың арты ауыр салдарға әкеліп соқтыратынын ескертеді.
