Оқиға

Ақмола облысындағы сенбілік кезінде 14 жастағы оқушы мерт болды

© Photo : предоставлено родственниками погибшего мальчика Ақмола облысындағы сенбілік кезінде 14 жастағы оқушы мерт болды
 Ақмола облысындағы сенбілік кезінде 14 жастағы оқушы мерт болды - Sputnik Қазақстан
Жазылу
Теміржол аумағын тазалауға шыққан оқушылар шетте тұрған жүк вагонының үстіне шықпақшы болады. Бірінші болып шыққан бала тоққа түсіп қаза тапты

НҰР-СҰЛТАН, 15 сәуір — Sputnik. Ақмола облысы Атбасар ауданында үш оқушы тоқтап тұрған вагонның үстіне шығып алған. Олардың бірі тоққа түсіп көз жұмды, тағы біреуі ауруханаға жеткізілді.

Жүрдек пойыз, архивтегі фото - Sputnik Қазақстан
Өңірлер
Астанаға пойызбен тегін жетпек болған жігіт тоққа түсіп қалды

Сенбілік кезінде болған қайғылы жайт туралы қаза болған баланың әпкесі Sputnik Қазақстан тілшісіне айтып берді.

"Менің бауырым мен Ирченко станциясы аумағында болған оқушылар қазақ орта мектебінде оқиды. Мен де сол мектепте оқығам, кезінде теміржол аумағына сенбілікке шығатынмын. Бірақ сол күні қайғылы оқиға орын алды. Ол вагондардың тұрғанына бір апта болған секілді. Балалар кім тез мінеді деп бәстесіп, оған жарыса шыққан сияқты", - дейді қыз.

Ең бірінші боп вагонға қыздың 14 жастағы інісі мінген. Балалардың айтуынша, оны бірден тоқ соғып, сол мезетте жан тәсілім етіпті.

"Балалардың айтуынша, оның қолы сым темірге тимеген. Қолын көтергенде ауадағы жоғары вольтты тоқ соғыпты. Екінші бала жарақаттанған, ал үшіншісі секіріп түсіп үлгерген", - дейді қыз.

Ал сыныптасының өліміне куә болған басқа оқушылар болса, әлі естерін жия алар емес.

Қайтыс болған баланың әпкесінің сөзіне сүйенсек, ол арада тұрған вагондар астаналық "Астық Транс" ЖШС-ға тиесілі көрінеді.

"Егер вагондар елді мекенді аумақта, онда да мектепке қарама-қарсы тұрса, олар тоқтан ажыратылуы керек болатын. Кім жауапты бұл қазаға? Кінәлілер жазасын алсын ", - дейді марқұм баланың туыстары.

Солтүстік Қазақстанда селфи жасау үшін бағанаға шыққан жасөспірімді тоқ соқты - Sputnik Қазақстан
Өңірлер
Солтүстік Қазақстанда селфи жасау үшін бағанаға шыққан жасөспірім тоққа түсті

Атбасар ауданыны әкімдігінің қызметкерлері Sputnik Қазақстанға бұл фактіге қатысты тергеу басталғанын жеткізді.

"Ирченко станциясы уақытша тұрақ, ол біздің қарамағымызда емес. Вагон үстінде жоғары вольтты тоқ неге болған, күзет, жол жөндейтіндер қайда қараған, балалар емін-еркін ол вагондардың үстіне неге шығып кеткен? Бұл сауалдарды "Қазақстан темір жолы" немесе ішкі істер басқармасына жолдағандарыңыз жөн болар. Қазір бұл жайтқа қатысты қылмыстық іс қозғалып, тергеу басталып кеткен. Кінәлілер өз жазасын алады деп ойлаймын", - деді Атбасар ауданының әкімі Аманбек Қалжанов.

Бірақ ол істің қандай бап бойынша қозғалғанын нақтылай алмады.

Көлік полициясы департаментінің баспасөз қызметі хабарлағандай, бұл фактіге қатысты 344-баптың 2-тармағы, яғни "Абайсызда адам өліміне әкеліп соққан теміржол қозғалысы қауіпсіздігінің тәртібі және оны жүргізу ережелерін бұзу" бойынша сотқа дейінгі тергеу ісі қолға алынған. ҚР Қылмыстық кодекстің 201-бабындағы талаптарға сәйкес, тергеудің мән-жайын жариялауға болмайды.

Ал "Қазақстан темір жолы" компаниясы Sputnik Қазақстан сауалына әзірге жауап берген жоқ.

Жаңалықтар
0