Оқиға

Алматыда қарулы қарақшы жанармай бекетінде қамалып қалды

© Sputnik / Максим Блинов / Медиабанкке өтужанармай бекеті
жанармай бекеті - Sputnik Қазақстан
Жазылу
Жанармай бекетіне шабуыл жасаған қарақшы полиция келгенше кассада күтіп тұруға мәжбүр болды

АЛМАТЫ, 14 қыркүйек — Sputnik. Алматының Жетісу ауданындағы жанармай бекетіне кеше түнде қарақшылық шабуыл жасаған. Бекет қызметкерлері тонаушыны қамап тастап, полиция шақырыпты.

Тапанша - Sputnik Қазақстан
Әлем
Полицейлер қарулы қылмыскерді тұтқынмен бірге атып тастады (видео)

Сағат түнгі екі кезінде жанармай бекетінің кассасы орналасқан ғимаратқа сатып алушы кейпінде жас жігіт кіреді. Ештеңе алмастан, ананы-мынаны қарап, қайта шығып кеткен. Алайда көп ұзамай дүкенге оралады. Бірақ медициналық маска киіп, пышақпен қаруланып алыпты.

"Оны көрген касса қызметкерлері артқы есік арқылы дүкеннен шығып, сыртынан бекітіп тастайды. Жанармай құюшы да тез аңғара қойып, алдыңғы есікті де жауып, полицияға хабар берген", — деп оқиғаны баяндады Алматы қаласы Жетісу ауданы ІІБ басшының қызметін атқарушы Дархан Мұсанов.

Жас жігіт қанша тырысса да, жанармай бекетінің терезесін шаға алмапты. Оның үстіне уақыты да жетпеген сыңайлы: патруль үш минут ішінде келіп жетті. Қылмыскер полицияға қарсылық көрсеткен жоқ.

Пышақ - Sputnik Қазақстан
Өңірлер
Алматыда қарулы қарақшы супермаркетті тонады

Белгілі болғандай, 26 жастағы тұрғыны бұдан бұрын тонаушылық жасағаны үшін істі болған екен. 

Шабуыл дерегі бойынша тергеу жүріп жатыр, ал жанармай бекетінің қырағы әрі тапқыр қызметкерлері қарақшыны қолға түсіргендері үшін марапатталуы да мүмкін. 

"Қылмысты алдын ала сезіп, бәрін дұрыс жасаған. Жанармай бекеті қызметкерлері өздері үшін де, өзгелер үшін де қауіпті азайта білді. Қарулы қылмыскерді ғимаратқа қамап тастады. Бұл марапатқа лайық", — деп атап өтті .

Жаңалықтар
0