НҰР-СҰЛТАН, 1 қыркүйек – Sputnik. Мемлекет басшысы Қасым-Жомарт Тоқаев Қазақстан коронавирус пандемиясының салдарын салыстырмалы түрде сәтті еңсеріп келе жатқанын айтты, деп хабарлайды Sputnik Қазақстан тілшісі.
"Мемлекеттік борыштың төмен болуы және әжептәуір резервтердің арқасында Қазақстан пандемия салдарын салыстырмалы түрде сәтті еңсеріп келеді. Бұл біздің маңызды бәсекелі артықшылығымыз және мұны жоғалтып алмау керек", - деді президент Қазақстан халқына жолдауында.
Алайда, оның айтуынша, соңғы уақытта шығындарды жабу үшін бюджет тапшылығын, Ұлттық қордан трансферттерді ұлғайту үрдісі пайда болды.
"Үнемі мұндай жеңіл жолмен жүруге жол берілмейді", - деді президент.
