Экономика

Назарбаев қазақстандықтардың жалақысын көбейтетін заңға қол қойды

© Sputnik / Владимир Трефилов / Медиабанкке өтуДеньги, архивное фото
Деньги, архивное фото - Sputnik Қазақстан
Жазылу
Қазақстанда табысы төмен қызметкерлер үшін салық жүктемесі азаяды. Аталған норманы президент "Бес әлеуметтік бастама" үндеуінде ұсынған болатын

АСТАНА, 3 шілде  — Sputnik. Қазақстан президенті Нұрсұлтан Назарбаев әлеуметтік қамсыздандыру мәселелері бойынша өзгерістер мен түзетулер енгізу туралы заңға қол қойды. Оған сәйкес табысы 60 мыңнан төмен қазақстандықтар үшін салық жүктемесі азайтылады, деп хабарлайды Ақорда.

қазақстандықтар - Sputnik Қазақстан
Қоғам
1 шілдеден бастап қазақстандықтардың өмірінде болатын 10 өзгеріс

Бұған дейін Нұрсұлтан Назарбаев ең төменгі есептік көрсеткіштің 25 еселенген көлемінен аз жалақы алатындарға салынатын жеке табыс салығын азайту арқылы олардың салық жүктемесін жеңілдетуді ұсынған болатын. Елбасының ұсынысынан кейін парламент заңға енгізілген түзетулерді қабылдады. Енді жалқысы төмен қызметкерлер үшін жеке табыс салығы он есеге төмендейді. 

Ал салықты азайтудан шығатын қаржы олардың жалақысын көбейтуге жұмсалады. Осының нәтижесінде Қазақстанда екі миллионнан астам тұрғынның жалақысы өседі. 

Аталған норма 2019 жылдың 1 қаңтарынан бастап күшіне енеді деп жоспарланып отыр.

Енді төрт балалы отбасыларға ай сайынғы жәрдемақы берілмейді>>

Сондай-ақ, түзетулермен осы жылдың 1 шілдесінен кәмелетке толған, бала кезінен бірінші топтағы мүгедектерді бағып отырған ата-аналар үшін қосымша мемлекеттік жәрдемақы енгізілді. Қосымша жәрдемақыны шамамен 14 мың отбасы ай сайын алатын болады. Жәрдемақы көлемі биыл ең төменгі күнкөріс деңгейінің 1,05 мөлшерін немесе 29 699 теңгені құрайды.
Жаңалықтар
0