НҰР-СҰЛТАН, 21 қыркүйек – Sputnik. What ‘ sApp мессенджерінде балаларға арналған жұқпалы аурулар бөлімшелерінде төсек-орындар дайын екендігі туралы аудио хабарлама таратылуда.
Автордың айтуынша, олар мектепке у шашқаннан кейін қажет болады, өйткені одан кейін балалар жаппай ауырып, өле бастайды.
Бұл ақпаратты санитарлық-эпидемиологиялық бақылау комитеті жоққа шығарды, деп хабарлады stopfake.kz.
"Балаларға арналған қосымша инфекциялық төсек-орындар дайындау туралы ақпарат шындыққа жанаспайды. Бүгінгі таңда, керісінше, коронавируспен сырқаттанушылықтың төмендеуіне байланысты жұқпалы аурулар стационарлары жабылуда. Сондай-ақ, бөлмеде бүрку арқылы қолданылатын вакцина жоқ", – деді ведомствоның ресми өкілі Ержан Байтанаев.
Ата-аналар арасында дүрбелең туғызған дыбыстық хабарламалар бұған дейін де тараған болатын. Алайда санитарлық-эпидемиологиялық бақылау комитеті оны да жоққа шығарды.
Оқи отырыңыз:
- Әлемді әбігерге салған індет: қазақстандықтар неге вирустың барына сенбеді?
- "Улап жатыр": Қуат Хамитов жариялаған видеодағы трактордың не істеп жүргені анықталды
- "Халықты уламаңдар!": елорда әкімдігі желіде тараған видеоға түсініктеме берді
