НҰР-СҰЛТАН, 22 қараша – Sputnik. Нұр-Сұлтан қаласында желдің күшеюі мен ауа райының қолайсыздығына байланысты бастауыш сынып оқушылары қашықтан білім алу форматына көшірілді.
"22 қарашада ауа райының қолайсыздығына байланысты қала мектептерінің екінші ауысымындағы 0-4 сынып оқушылары үшін сабақ қашықтан оқыту форматына ауысады", - деп хабарлады Нұр-Сұлтан қаласының білім беру басқарамасы.
Бірінші ауысымда оқитын бастауыш сынып оқушылары оффлайн форматта оқыды.
Дүйсенбі, 22 қарашада елордада қатты жел тұрды.
Бұған дейін төтенше жағдайлар қызметі Нұр-Сұлтанда 22-23 қарашада боран мен көктайғақ, жылдамдығы секундына 15-20 метр жел күтілетінін хабарлаған болатын.
