07:59 18 Қазан 2021
Тікелей эфир
  • USD425.78
  • EUR494.08
  • RUB5.98
Елорда тынысы
Қысқа сілтеме алу
51 0 0

Елордалық әйел күтпеген жерден жаңа екі бөлмелі пәтердің иесі атанды. Вакцина салдырғандар арасында құнды сыйлықтардың ұтыс ойыны  жалғасады

НҰР-СҰЛТАН, 8 қазан – Sputnik. Нұр-Сұлтан тұрғыны Әсемгүл Ысқақова Sputnik Қазақстанға вакцина салдырғандар арасында ойнатылған екі бөлмелі пәтерді ұтып алғанын естігенде қандай сезімде болғанын айтты.  

Асемгуль Искакова
© Photo : Из личного архива Асемгуль Искаковой
Әсемгүл Ысқақова

Әсемгүл Ысқақова – үш баланың анасы, жасы 46-да. Ол елорда әуежайында тексеру қызметінің инспекторы болып істейді, оның міндеті  – әуе жолаушыларын тексеру.

Әйел жазда №7 қалалық емханада коронавирусқа қарсы "Спутник V" вакцинасын салдырған.

"Тәтем қоңырау шалып, "Хабар" телеарнасында тікелей эфир өткенін, менің аты-жөнім шыққанын айтты. Мен бірден сенген жоқпын. Әлі де сене алар емеспін. Сондықтан шығар, әзірге ерекше қуаныш сезімі жоқ", - дейді әйел.

Ысқақова ұтыс жайлы ештеңе білмеген. Вакцинаны өз еркімен салдырыпты.

Әсемгүлдің күйеуі – әскери қызметкер. Ерлі-зайыпты астанаға 2010 жылы Щучьеден көшіп келген.

Жительница Нур-Султана Асемгуль Искакова с семьей
© Photo : Из личного архива Асемгуль Искаковой
Елорда тұрғыны Әсемгүл Ысқақова отбасымен

"Отбасымыз қарапайым. Кіші қызым мектепте оқиды. Бұл пәтер біздің алғашқы баспанамыз десек те болады. Өйткені бұған дейін мұндай жылжымайтын мүлкіміз болған емес", - деді ұтыс жеңімпазы.

Нұр-Сұлтанда екі бөлмелі пәтер "Хабар" телеарнасының тікелей эфирінде ойнатылды. Ұтысқа 25 маусым мен 28 қыркүйек аралығында астанада вакцинаның бірінші компонентін алған 18 жастан асқан тұрғындар қатысты.

Оқи отырыңыз: Маңғыстау облысында вакцина салдырған тұрғынға екі бөлмелі пәтер берілді

Бас жүлде – Көктал тұрғын үй алабында орналасқан "Рио-де-Жанейро" тұрғын үй кешеніндегі жаңа пәтер. Бұған қоса, вакцина алғандар арасында iPhone12, тоңазытқыштар, теледидарлар мен басқа да құнды сыйлықтар ойнатылды.

Вакцина салдырғандар арасында бағалы сыйлықтардың ұтыс ойыны жалғасады.

Кілт сөздер:
пәтер, вакцина, әйел
Загрузка...

Басты тақырып