АСТАНА, 30 сәуір – Sputnik. Астанада Ресей мен Қазақстан сыртқы істер министрлері Сергей Лавров пен Ермек Көшербаевтың кездесуі өтіп жатыр.
Сыртқы істер министрлігінің хабарлауынша, тараптар шағын және кеңейтілген құрамда келіссөздер жүргізеді. Ресей сыртқы істер министрін президент Қасым-Жомарт Тоқаев та қабылдайды.
Бұған дейін Ресей сыртқы істер министрлігінің ресми өкілі Мария Захарова Лавровтың Қазақстанға сапары жайында айтып берді.
"Кездесулерде Ресей мен Қазақстан арасындағы кешенді стратегиялық серіктестік пен одақтастықты нығайтуға, соның ішінде алдағы жоғары деңгейдегі байланыстарды нығайтуға баса назар аударылады. Осыған байланысты екіжақты күн тәртібі, соның ішінде саяси, сауда-экономикалық, мәдени және гуманитарлық салалардағы байланыстарды нығайту, сондай-ақ ортақ интеграциялық платформалардағы, ең алдымен ЕАЭО, ҰҚШҰ, ТМД және ШЫҰ-дағы өзара іс-қимыл қарастырылады", - деді Захарова.
Сонымен қатар тараптар өзара қызығушылық тудыратын аймақтық мәселелер бойынша пікір алмасып, ең өзекті халықаралық мәселелерді шешеді.