АСТАНА, 10 сәуір – Sputnik. "Қазақстан темір жолы" Астана мен Талдықорған арасында жаңартылған RWS вагондары бар жаңа пойыз бағытын іске қосып жатыр.
Бұл қазақстандық жолаушылардың көптеген өтінішіне жауап ретінде қарастырылды, деп хабарлады тасымалдаушы. Екі купе және екі плацкарт вагондар күнара қатынайды.
Компания хабарлауынша, жаңа "45" сериялы вагондар заманауи қауіпсіздік, энергия тиімділігі және жайлылық талаптарына сай келеді
"Интерьер тозуға төзімді материалдардан жасалған және климаттық бақылау және ауаны зарарсыздандыру жүйелерімен, ыңғайлы жатын орындарымен, USB порттарымен және 220 вольтті розеткалармен, Wi-Fi, LED жарықтандыруымен және заманауи жылу оқшаулау жүйесімен жабдықталған. Вагондар бейнебақылау және өрт сөндіру жүйелерімен, сондай-ақ орталық кондиционермен жабдықталған, бұл жыл бойы жайлылықты қамтамасыз етеді", - деп хабарлады "Жолаушылар тасымалы" АҚ.
Жолаушылардың ыңғайлылығы үшін аудио ақпараттандыру, электрондық табло және шығу жолдарын жарықтандыру орнатылған.
"Жылжымалы құрамды жаңарту және маршруттық желіні кеңейту көлік саласының стратегиялық мақсаттарын жүзеге асыру аясындағы басымдықты қызмет бағыттары болып қала береді", - деп атап өтті ҚТЖ.