АСТАНА, 2 сәуір – Sputnik. Депутат Дәулет Тұрлыхановтың ұлы бостандыққа шықты.
Нұрасыл Болаттың бостандыққа шыққаны туралы ақпаратты Қылмыстық атқару жүйесі комитетінде растады.
Комитет сот тағайындаған мерзімнің аяқталуына байланысты Нұрасыл Болаттың босатылғанын мәлімдеді.
Еске салсақ, 2023 Нұрасыл Болат ерлі-зайыпты адвокатты соққыға жыққаны үшін кінәлі деп танылып, 2 жылға бас бостандығы шектелген еді.
Оған сәйкес ол түнгі уақытта үйде болуы керек. Алайда әлеуметтік желіде Нұрасыл Болаттың тойда отырған видеосы тарады.
Пробация шарттарын қасақана бұзғаны үшін 2024 жылы оған қатысты үкім өзгерді. Ол қалған 1 жыл 5 ай 10 күнді орташа қауіпсіздік колониясында өткізуге міндеттелді.
Осы уақыт аралығында Нұрасыл Болат соттан жазаны жеңілдетуді бірнеше рет сұрап жүгінгенмен, сот шешімді өзгеріссіз қалдырды.