АСТАНА, 31 наурыз - Sputnik. АҚШ Демократиялық партиясының мүшелері мен жақтастары Украинадағы қақтығыстың шешілуін қалайды және барлық тараппен диалогқа дайын, деп мәлімдеді республикашыл конгрессмен Анна Паулина Луна.
"Дипломатия мен бейбітшілік орнайды. Жақсы жаңалық - кейбір сыбайлас жемқорлыққа бой алдырмаған демократтар Украинада бейбітшілік орнағанын қалайды және барлық тараппен талқылауға ашық", - деп жазды ол X әлеуметтік желісінде.
Өткен аптада бес ресейлік заң шығарушы АҚШ Конгресіндегі әріптестерімен және АҚШ әкімшілігінің шенеуніктерімен кездесті.
Бұл Мемлекеттік Дума мүшелерінің соңғы жылдардағы АҚШ-қа алғашқы сапары болды. Себебі 2014 жылы Ресейге қарсы санкциялар енгізген елдермен парламентаралық қарым-қатынас тоқтатылды.
Бұған дейін АҚШ Мемлекеттік хатшысы Марко Рубио АҚШ Украинадағы қақтығыстың тоқтағанын көргісі келетінін айтқан.