АСТАНА, 31 наурыз – Sputnik. Мемлекет басшысы Қасым-Жомарт Тоқаев "Русская медная компания" негізін қалаушы Игорь Алтушкинді қабылдады, деп хабарлады Ақорда.
"Кездесуде Қазақстанның тау-кен, металлургия салаларында бірлескен инвестициялық жобаларды жүзеге асыру мәселелері талқыланды", - деп жазылған хабарламада.
Қасым-Жомарт Тоқаевқа компанияның еліміздегі өндірістік қызметі, өңдеу қуатын арттыру және холдингтің өнеркәсіп нысандары орналасқан аймақтардағы әлеуметтік міндеттерді шешу жоспары жөнінде мәлімет берілді.