АСТАНА, 12 наурыз – Sputnik. Еуропалық комиссия Киевке 90 миллиард еуро көлемінде несие беру сәуір айына дейін мақұлданбауы мүмкін екенін мойындады, деп хабарлады РИА Новости.
Бұл жөнінде Еуропалық комиссияның өкілі Паула Пиньо мәлімдеді.
"Украинаға несие сәуір айына дейін қажет, сондықтан қазір бұл шұғыл мәселе болып отыр; біз үшін бұл несиені алу маңызды. Бірақ бізде несиені сәуір айына емес, мамыр айына қарай беру нұсқалары туралы жаңа ақпарат жоқ. Бірақ бұл әбден мүмкін", - деді ол журналистердің Украинаның мамыр айына дейін еуропалық несиесіз қалуы мүмкін екенімен Еурокомиссия келіседі ме деген сұрағына жауап бере отырып.
Жалпы еуропалық бюджет кепілдік беретін Киевке 90 миллиард еуро көлеміндегі бұрын келісілген несиені беру қазіргі уақытта Венгрия тарапынан бұғатталып тұр.
Венгрия Украинаға несие беруді немесе Еуроодақтың Ресейге қарсы 20-шы санкциялар пакетін Киев "Дружба" құбыры арқылы ресейлік мұнай транзитін қайта іске қоспайыша мақұлдамайтынын хабарлады.
Венгрия билігі бұл несиені кепілдендіруге қатыспайтынын, бірақ кем дегенде оны беруге кедергі келтіруді тоқтататынын жеткізді.