АСТАНА, 5 наурыз – Sputnik. Азаматтарға арналған үкімет" қазақстандықтарға жаңа қызмет туралы хабарлады. Ол 15 наурызда өтетін Қазақстанның жаңа Конституциясы бойынша референдумға қатысты.
Өз сайлау учаскесін іздеген тұрғындарға цифрлық сервис қолжетімді. Оны eGov Mobile мобильді қосымшасы және GOV.KZ. порталы арқылы табуға болады.
"EGov Mobile мобильді қосымшасы мен GOV.KZ порталының басты беттерінде арнайы "Референдум" баннері орналастырылған. Баннерге өтіп, пайдаланушы сайлау учаскесін тексеру қызметіне кіреді, онда ЖСН мен аймақты көрсету қажет. Деректер енгізілгеннен кейін жүйе автоматты түрде сайлау учаскесінің нөмірін, аймақ пен ауданды, сондай-ақ дауыс беру орнының нақты мекен-жайын көрсетеді", - дейді "Азаматтарға арналған үкіметте".
Сондай-ақ референдум туралы пайдалы ақпаратты табуға болады. 15 наурызда ел бойынша 10 411 учаске ашылады. Қазақстанның 62 шет мемлекеттегі дипломатиялық өкілдіктері жанынан тағы 80 учаске ашылады.
Дауыс беру уақыты да анықталды, ол Астана уақытымен сағат 7:00-ден 20:00-ге дейін жалғасады.