АСТАНА, 28 ақпан – Sputnik. Қазақстанда қызылшаның тіркелген жағдайларының саны төмендеді, дегенмен эпидемиологиялық жағдайды тұрақтандыруға әлі қол жеткізілген жоқ, деп хабарлады денсаулық сақтау министрлігі.
"Жағдай тұрақталғанға дейін 6-10 айлық балаларды қосымша иммундау енгізілді, бұрын егілмеген 2-5 және 7-18 жастағы балаларды, сондай-ақ расталған иммундаусыз 30 жасқа дейінгі медицина қызметкерлерін толықтырып вакцинациялау ұйымдастырылды. Ұйымдастырылған ұжымдар мен әскери бөлімдерде вакцинацияланбаған адамдарды уақытша шеттетуді қоса алғанда, жоспарлы емдеуге жатқызуға және эпидемияға қарсы режимге қойылатын талаптар күшейтілді", - деп хабарлады министрлік.
Қабылданған шараларды іске асыру нәтижесінде алдыңғы аптамен салыстырғанда (417 жағдай) қызылшаның тіркелген жағдайларының саны 311-ге дейін төмендеді, бұл 106 жағдайға аз (-25,4%).
Төмендегеніне қарамастан, эпидемиологиялық жағдайды тұрақтандыруға әлі қол жеткізілген жоқ, дейді министрлік.
Қызылшаның ең көп саны Астана қаласында тіркелді — 81 жағдай, Алматы қаласында — 48 жағдай, Алматы облысында — 57 жағдай, Батыс Қазақстан облысында - 29 жағдай, Атырау облысында — 57 жағдай және Қостанай облысында — 57 жағдай. Пациенттердің негізгі үлесін 14 жасқа дейінгі вакцинацияланбаған балалар құрайды.
2026 жылдың басындағы жағдай бойынша қосымша иммундаумен 6-11 айлық 36,7 мың бала, жоспарлы вакцинациялаумен 1 жастағы 21,4 мың бала (6,7%), 6 жастағы 17 мың бала (4,7%), 18 жасқа дейінгі 8,1 мың адам қамтылды.