АСТАНА, 17 ақпан – Sputnik. Қазақстан мен Өзбекстан теміржол арқылы жүк тасымалдау көлемін жылына 60 миллион тоннаға дейін ұлғайтады. Бұл туралы екі елдің көлік министрлері транзиттік әлеуетті дамыту мәселелеріне арналған жиында келісті.
Қазақстан мен Өзбекстан теміржол арқылы жүк тасымалын 60 миллион тоннаға дейін арттырады
Ведомство басшылары екі ел арасындағы теміржол қатынасы сауда-экономикалық байланыс пен халықаралық транзиттің дамуында шешуші рөл атқаратын стратегиялық маңызды екенін айтты.
2025 жылы екі ел арасындағы теміржол тасымалының көлемі 32,3 миллион тоннаны құрап, 2024 жылғы көрсеткіштен 16 пайызға жоғары болды.
Ведомстволар "Сарыағаш", "Оазис" және "Сырдария" жол айрықтарында инфрақұрылымды дамытуды және көлік қозғалысының тұрақты өсуін қамтамасыз ету және келісілген өткізу қабілеті параметрлеріне қол жеткізу үшін "Дарбаза-Мақтарал" учаскесін қоса алғанда, негізгі жобаларды аяқтауды көздейтін бірлескен жоба жоспарын әзірледі.
Ведомство басшылары инфрақұрылым мен жөндеу жұмыстарын синхрондау, бақылау процедураларын жетілдіру, технологиялық өзара іс-қимылды оңтайландыру, тасымалдау процесінің жалпы тиімділігін арттыру мәселелерін талқылады.