Ресей-Қазақстан газ құбыры 2030 жылдың қаңтарында іске қосылады - Дәурен Абаев

АСТАНА, 5 ақпан – Sputnik. Ресей мен Қазақстан экономикалық ынтымақтастықты белсенді түрде дамытып жатыр, деп мәлімдеді Қазақстанның Ресейдегі елшісі Дәурен Абаев "Комсомольская правда" басылымына берген сұхбатында.

"Газпроммен" Есіл-Астана магистральдық газ құбыры жобасын іске асыру туралы меморандумға қол қою республиканың солтүстік аймақтарын газбен жабдықтау тұрғысынан маңызды болды. Алдын ала белгіленген мерзімдерге сәйкес, газ құбыры 2030 жылдың 1 қаңтарында жұмыс істей бастайды деп жоспарланған.

"Ресейлік газдың Қазақстан арқылы Өзбекстанға транзит көлемі үнемі артып келеді. Бұл жоба Орталық Азиядағы аймақтық тұрақтылық пен энергетикалық қауіпсіздікті нығайтады, елдеріміздің өнеркәсіптік дамуына қуатты серпін береді, бизнес ахуалын жақсартады және азаматтардың өмір сүру деңгейін көтереді. Сондай-ақ, бұл Қазақстанның газ тасымалдау инфрақұрылымын кеңейтуге және жаңғыртуға ықпал етеді", - деді елші.

Дәурен Абаев республикадағы атом электр станциясының құрылысына да тоқталды.

"2025 жылы "Росатомның" Қазақстандағы алғашқы атом электр станциясын салатын консорциум ретінде белгіленуі тарихи маңызға ие болды. Алматы облысының Жамбыл ауданындағы Балқаш көлінің жағасындағы станция орналастын аумақта жұмыстар басталды. Бұл кезең бізге сараптамалық және жобалық әзірлеуден келісімдерді іс жүзінде жүзеге асыру кезеңіне көшуге мүмкіндік береді", - деді Абаев.

Қазақстан мен Ресей бірлесіп 175 инвестициялық жобаны жүзеге асырып жатыр - Дәурен Абаев

26 Қаңтар, 20:12

Екі ел сауда айналымын 30 миллиард долларға дейін арттыруды жоспарлап отыр. Қазақстан мен Ресей арасындағы өзара есеп айырысудағы ұлттық валюталар үлесінің жылдық өсу қарқыны 2025 жылы 95%-ға жетті. Сондықтан өзара сауда шамамен 12 триллион теңгені немесе 1,8 триллион рубльді құрады, деді елші.

"Мұндай өзара сауда көлемі таңқаларлық екенімен келісетін шығарсыз. Жалпы алғанда өткен жылы Ресей Қазақстанның сыртқы саудасында импорт бойынша бірінші, сауда айналымы бойынша екінші және экспорт бойынша үшінші орын алды", - деді Абаев.

Өнеркәсіптік кооперация да белсенді дамып келеді. 2025 жылы екі ел әртүрлі салалар бойынша 616 миллион долларға бағаланған 14 жобаны іске қосты. Жалпы алғанда, Қазақстан мен Ресей жалпы инвестициясы шамамен 57 миллиард долларды құрайтын 175 жобадан тұратын бірлескен портфель құрды.

Абаев соынмен қатар екі елдің 2026 жылға арналған бірлескен мәдени жоспарларын жариялады.

"Ең жоғары деңгейдегі сапарлар күтіліп отыр. Дәстүрлі түрде Қазақстан Ресейде өтетін барлық ірі форум мен конференцияға қатысуды жоспарлап отыр. Мәскеудегі Қазақ ақпараттық-мәдени орталығын ашу жұмыстары жалғасады. Қазақстандағы Ресей мәдениетінің өзара күндеріне дайындық жүргізіліп жатыр. Қазақстан жұртшылығы алдағы мәдени іс-шараларды асыға күтіп отыр", - деді елші.

Ол Қазақстан мен Ресей кедергісіз стратегиялық одақтастар екенін және ең бастысы, олар бір-бірінің өркендеуіне ортақ мүдделі екенін мәлімдеді. Екі көшбасшы - Қасым-Жомарт Тоқаев пен Владимир Путин - достық пен ынтымақтастықты жоғары бағалайды, деді елші. Ол Тоқаевтың 2025 жылы Ресей Федерациясына үш рет сапар шеккенін еске салды.

"Қараша айында мемлекет басшыларымыздың қарым-қатынастарды жалпыға ортақ стратегиялық серіктестік пен одаққа көшіру туралы декларацияға қол қоюы ерекше маңызды оқиға болды. Менің ойымша, бұл жай ғана құжат емес, бұл барлық сала бойынша ұзақ мерзімді бірлескен дамудың негізгі бағдары", - деді Дәурен Абаев.

Біз ынтымақтастықтың барлық саласындағы ең ауқымды жобаларды жүзеге асыра аламыз, олардың қазірдің өзінде бізде көп, деді Қазақстан елшісі.

Қазақстан мен Ресейді аптасына 126 әуе рейсі байланыстырады - Абаев

26 Қаңтар, 18:23