АСТАНА, 2 ақпан – Sputnik. Ұлттық қауіпсіздік комитеті шекара қызметінің 2026 жылдың қаңтарындағы іс-қимыл нәтижелері туралы хабарлады.
Жыл басынан бері шекара кеңістігінде Қазақстан заңнамаларын бұзған 3 026 азамат, соның ішінде 2 594 шетел азаматы ұсталды.
Мемлекеттік шекара арқылы тауарлар мен жүктерді заңсыз өткізудің 1 062 фактісінің алды алынған, соның ішінде:
25 факті – қарулар мен оқ-дәрілер (2 мылтық, 66 дана суық қару, 3 дана жарық-дыбыс гранатасы, 78 дана оқ-дәрілер);
580 факті – 60 тоннадан асатын мөлшерде жанар-жағармай материалдары;
376 факті – жалпы сомасы 620 млн теңгеден астам халыққа арналған тұтыну тауарлары;
81 факті – жалпы сомасы 860 млн теңгеден астам шетел валютасы.
Белгілі болғандай, Каспий су айдынында браконьерлік іс-әрекеттердің 5 фактісінің жолы кесілді, заңсыз балық аулау құралдары тәркіленген.
Бұл фактілер бойынша материалдар процессуалдық шешімдер қабылдау үшін құқық қорғау және сот органдарына жіберілді.